اتىراۋ مۇناي وڭدەۋ زاۋىتىندا مۇنايدى تەرەڭدەتىپ وڭدەۋ كەشەنىنىڭ ىسكە قوسىلۋىن بىرنەشە رەت جوسپارلاعان, دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
بۇگىنگى اتىراۋ مۇناي وڭدەۋ زاۋىتىندا مۇنايدى تەرەڭدەتىپ وڭدەۋ كەشەنىن ىسكە قوسۋ جۇمىستارىن سالتاناتتى تۇردە جۇرگىزۋ زاۋىتتى جاڭعىرتۋدىڭ ءۇشىنشى كەزەڭىنىڭ اياقتالۋىن كورسەتىپ وتىر.
مۇنايدى تەرەڭدەتىپ وڭدەۋ كەشەنىنىڭ قۇرىلىسى يندۋستريالاندىرۋ كارتاسىنا ەنگىزىلدى جانە ول مۇناي وڭدەۋ تەرەڭدىگىن ۇلعايتۋعا, الەمدىك دەڭگەيدەگى موتور وتىندارىنىڭ كولەمىن ۇلعايتۋعا باعىتتالعان.
قۇرىلىس جۇمىستارىنا 4000 ادام جۇمىلدىرىلدى. متوك جۇزەگە اسىرۋ بارىسىندا 490 جاڭا جۇمىس ورنى اشىلدى.
«بۇل كەشەن ىسكە قوسىلعان سوڭ اۆتوكولىك جانارمايىن وڭدەۋ جىلىنا 1 ميلليون 700 مىڭ تونناعا دەيىن, ديزەل شىعارۋ 23 پايىزعا, اۆياكەروسين بولسا 244 مىڭ تونناعا دەيىن ارتادى. اتىراۋ مۇناي وڭدەۋ زاۋىتى ك4 جانە ك5 (ياعني ەۋرو-4, ەۋرو-5) ەكولوگيالىق كلاسسقا جاتاتىن موتور مايلارىن شىعارىپ, مۇناي وڭدەۋ تەرەڭدىگىن 84 پايىزعا دەيىن ۇلعايتاد»,-دەيدى ء«اموز» جشس باس ديرەكتورى عالىمجان امانتۋرلين.