تاۋەلسىزدىك كۇنى قارساڭىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىندا مەملەكەت باسشىسى نۇرسۇلتان نازارباەۆتىڭ «تاۋەلسىزدىك ءداۋىرى» اتتى جاڭا كىتابىنىڭ سالتاناتتى تۇساۋكەسەر ءراسىمى ءوتتى.
سالتاناتتى شارادا قازاقستان حالقى اسسامبلەياسى حاتشىلىعى جەتەكشىسىنىڭ ورىنباسارى لەونيد پروكوپەنكو ءسوز سويلەپ, كىتاپ تۋرالى پىكىر ءبىلدىردى.
«نۇرسۇلتان نازارباەۆ قازاقستان حالقى اسسامبلەياسىنىڭ ححV سەسسياسىندا بىرلىگىمىز بەن تۇراقتىلىعىمىزدى ساقتاساق, جارقىن بولاشاق تۋرالى ءۇمىتىمىزدىڭ ۇلكەن بولاتىنىن ايتىپ ەدى. مەن «تاۋەلسىزدىك ءداۋىرى» كىتابىنىڭ ونە بويىنان وسى ويدى كوردىم», دەي كەلە لەونيد پروكوپەنكو كىتاپتا بەيبىتشىلىك پەن كەلىسىم ساياساتىن جۇزەگە اسىرۋعا اتسالىسقان قحا-نىڭ مەملەكەتتەگى الەۋمەتتىك-ساياسي پروتسەستەردى تۇراقتاندىرۋشىعا اينالعانى تۋرالى جازىلعانىن ايتتى. ونىڭ ايتۋىنشا, كىتاپتا قازاقستاننىڭ جاڭعىرۋ كەزەڭىنىڭ ۇشەۋىندە دە مەملەكەتتەگى تۇراقتىلىق پەن بىرلىكتىڭ قالاي نىعايا تۇسكەنى ايتىلعان.
ء«بىرىنشى جاڭعىرۋ كەزەڭىندە قحا جاڭا كونستيتۋتسيانىڭ قابىلدانۋى مەن پرەزيدەنت قۇزىرەتىن 2000 جىلدىڭ 1 جەلتوقسانىنا دەيىن ۇزارتۋ پروتسەستەرىنە قاتىستى. وسى كەزەڭدە قوعامدىق كەلىسىمنىڭ قازاقستاندىق مودەلى, ءتىل مەن مادەنيەت سالالارىنداعى جالپىۇلتتىق بىرلىك قالىپتاسا باستادى. جاڭعىرۋدىڭ ەكىنشى كەزەڭىندە پرەزيدەنت نۇرسۇلتان نازارباەۆتىڭ باسشىلىعىمەن بىرلىك پەن كەلىسىمنىڭ قازاقستاندىق بىرەگەي مودەلى جاسالدى. ۇلتارالىق قارىم-قاتىناس نىعايا باستادى. ءبىر ايتا كەتەرلىگى, بۇل پروتسەستەردى جۇزەگە اسىرۋ تۋرالى قازاقستان-2030 ستراتەگياسىندا دا ايتىلدى. سول كەزدەرى قازاقستان حالقىنىڭ بىرلىگى كۇنىن, ساياسي رەپرەسسيا مەن اشتىق قۇرباندارىن ەسكە الۋ كۇنىن اتاپ ءوتۋ قولعا الىندى. الماتىداعى العاشقى دوستىق ءۇيى اشىلدى» , دەدى قحا حاتشىلىعى جەتەكشىسىنىڭ ورىنباسارى. ونىڭ ايتۋىنشا, 2000-2010 جىلدارى قوعام ينتەگراتسياسى ءۇشىن تاعدىرشەشتى وقيعالار بولدى. «2007 جىلى قازاقستان حالىقتارى اسسامبلەياسى قازاقستان حالقى اسسامبلەياسى دەپ اتالا باستادى. كونستيتۋتسيالىق ستاتۋسقا يە بولدى. اسسامبلەيا تۋرالى زاڭ قابىلداندى. مەملەكەت باسشىسى بەلگىلەپ بەرگەن ۇلتتىق ساياساتتىڭ نەگىزگى قاعيداتتارى جۇزەگە اسىرىلدى. بۇل كەزەڭدى پرەزيدەنت «ماقساتتار مەن ارەكەتتەر, اقىل مەن جۇرەكتىڭ بىرلىگى» دەپ اتادى», دەدى لەونيد پروكوپەنكو. ول ەكىنشى جاڭعىرۋ كەزەڭىندە مەملەكەت باسشىسى نۇرسۇلتان نازارباەۆتىڭ ەڭبەگى ناتيجەسىندە قازاقستاننىڭ بىرلىك مودەلى بۇۇ, ەقىۇ, شىۇ سەكىلدى حالىقارالىق ينستيتۋتتار دەڭگەيىندە مويىندالا باستاعانىن اتاپ ءوتتى.
ءوز سوزىندە قحا حاتشىلىعى جەتەكشىسىنىڭ ورىنباسارى لەونيد پروكوپەنكو ۇشىنشى جاڭعىرۋ كەزەڭى تۋرالى دا ايتىپ ءوتتى. «پرەزيدەنت قازاقستاندىق ءپاتريوتيزمنىڭ بولمىسى قانداي بولۋ كەرەكتىگىن ايتقان. ول - مۇمكىندىكتەردىڭ تەڭدىگى مەن مەملەكەتتىڭ تاعدىرىنا ورتاق جاۋاپكەرشىلىك. بۇل, اسىرەسە, قازاقستان-2050 ستراتەگياسىندا جاقسى ايتىلعان», دەي كەلە ول پرەزيدەنت نۇرسۇلتان نازارباەۆتىڭ بىرلىكتىڭ زاماناۋي فورمۋلاسىن جاساعانىن اتاپ ءوتتى.ء «بىر حالىق - ءبىر مەملەكەت - ءبىر تاعدىر. بۇل فورمۋلا «ماڭگىلىك ەل» جالپىۇلتتىق پاتريوتتىق يدەياسىندا كورىنىس تاپتى. تاعى ءبىر ايتا كەتەرلىگى, قحا جىلى بەس ينستيتۋتسيونالدى رەفورمانى جۇزەگە اسىرۋدىڭ العاشقى جىلىمەن تۇسپا-تۇس كەلدى. مەملەكەت باسشىسىنىڭ باستاماسىمەن العىس كۇنى اتاپ وتىلە باستادى», دەگەن لەونيد پروكوپەنكو ەلباسى كىتابىنىڭ باستى يدەياسى رەتىندە الەمنىڭ ءبىر ورىندا تۇرمايتىنىن, بىرلىك پەن ىنتىماقتاستىق ۇنەمى دامۋدى تالاپ ەتەتىنىن, ناقتى ىستەرگە كوشۋ كەرەكتىگىن ايتتى. سونىمەن قاتار ول «تاۋەلسىزدىك ءداۋىرى» كىتابى قوعامدىق كەلىسىم مەن جالپىۇلتتىق بىرلىكتىڭ ەنتسيكلوپەدياسى ەكەنىن ايتتى.
گۇلنۇر قۋانىشبەكقىزى,
«ەگەمەن قازاقستان»