ەلدى مەكەندە 26 شاقىرىم گاز قۇبىرى تارتىلىپ, 630 ۇيگە كوگىلدىر وتىن قوسىلدى.
وبلىس اكىمى قىرىمبەك كوشەرباەۆ كەنت تۇرعىندارىن قۋانىشتارىمەن قۇتتىقتاپ, جىلى لەبىزىن جەتكىزدى.
«سوڭعى جىلدارى وبلىس ورتالىعىندا قالا تۇرعىندارىنا جايلى جاعداي جاساۋعا باعىتتالعان سۋمەن جانە گازبەن جابدىقتاۋ, جول قۇرىلىسى ت.ب. اۋقىمدى جوبالار جۇزەگە استى. بۇعان دەيىن تاسبوگەت, قىزىلجارما جانە تالسۋات ەلدى مەكەندەرى گازداندىرىلدى, ال بۇگىن ءبىز بەلكول كەنتىن كوگىلدىر وتىنعا قوسامىز. مۇنداي ءىرى جوبالاردىڭ جۇزەگە اسۋى ەڭ الدىمەن تاۋەلسىزدىكتىڭ جانە ەلباسىنىڭ قولداۋىنىڭ ناتيجەسىندە مۇمكىن بولدى. سىزدەردى مەرەيلى مەرەكەمەن جانە كوپتەن كۇتكەن گازعا قوسىلۋلارىڭىزبەن قۇتتىقتايمىن. تابيعي وتىن حالىقتىڭ يگىلىگىنە قىزمەت ەتسىن!», - دەدى ق.كوشەرباەۆ.
سونىمەن قاتار, تۇرعىنداردى كەنت ارداگەرلەر كەڭەسىنىڭ توراعاسى سارتاي قايرۋللاەۆ تا قۇتتىقتادى.
ايتا كەتۋ كەرەك, سوڭعى 5 جىلدا قالادا جىلۋ ماگيسترالدى جەلىلەرىنىڭ 60 پايىزى جاڭارتىلدى, 500 شاقىرىمنان اسا جول جوندەلدى, ال قالانى گازداندىرۋ 95 پايىزعا جەتتى.