«سامۇرىق-قازىنا» مادەني كىلتى. Reinvention» تاقىرىبى بويىنشا كەڭەيتىلگەن ءماجىلىس 2017 جىلدىڭ 14 جەلتوقسانىندا ءوتتى. قوردىڭ قىزمەتكەرلەرى مەن ستراتەگيالىق ارىپتەستەرى, ديرەكتورلار كەڭەسىنىڭ مۇشەلەرى, قورجىندىق كومپانيالار وكىلدەرى ترانسفورماتسيانىڭ كورپوراتيۆتىك قۇندىلىقتارىنىڭ ءرولىن تالقىلادى. توپ-مەنەدجمەنتتىڭ پىكىرىنشە, كورپوراتيۆتىك مادەنيەت – ەگەمەن قورلارعا ءتيىمدى باسقارۋشى ۇيىم مارتەبەسىنە قول جەتكىزۋىنە مۇمكىندىك بەرەتىن قوزعاۋشى كۇش.
بۇل كۇنى «Wyndham garden استانا» قوناق ءۇيىنىڭ كەڭ زالىندا «5» سانى «سامۇرىق-قازىنا» قورى توبىنىڭ قىزمەتكەرلەرى ءۇشىن ايرىقشا ماڭىزعا يە ەدى. تاۋنحولل تۇرىندە وتكەن كەڭەيتىلگەن باسقوسۋعا قاتىسۋشىلار بەس نەگىزگى قۇندىلىقتى انىقتايتىن 5 جىلدىق ۇدەمەلى دامۋدىڭ ناتيجەلەرىن قورىتىندىلادى: سەرىكتەستىك (partnership), قۇرمەت (respect), تۇتاستىق (integrity), مەريتوكراتيا (meritocracy), كەمەلدىلىك (excellence). «سامۇرىق-قازىنا» قورىندا كەڭ تاراعان قۇندىلىقتار مەن مىنەز-ق ۇلىقتار جۇيەسىنە «PRIME» ءسوزىن قۇرايتىن وسى بەس اعىلشىن ءارپى اتاۋ بەردى.
بۇگىنگى كۇنى «سامۇرىق-قازىنا» قىزمەتكەرلەرىنىڭ كۇش-جىگەرىنىڭ ارقاسىندا تۇبەگەيلى تۇردە جاڭا كورپوراتيۆتىك ەكوجۇيەنىڭ قۇرىلىپ وتىرعانى قىزمەت ساپاسىن جاڭا دەڭگەيگە كوتەرۋگە سەپتىگىن تيگىزبەك.
جاقسى بيزنەس – ءتيىمدى بيزنەس. سوندىقتان ترانسفورماتسيالانعان قور ەشقاشان بۇرىنعىداي جۇمىس ىستەمەيدى. قازىردىڭ وزىندە «سامۇرىق-قازىنا» ستراتەگيالىق حولدينگتىڭ, بەلسەندى ينۆەستوردىڭ جاڭا وپەراتسيالىق مودەلىنە كوشىپ, قورجىندىق كومپانيالاردىڭ قىزمەتىنە اكىمشىلىك قوندىرما بولۋدان ارىلدى. ەڭ باستىسى, كورپوراتيۆتىك ورتالىق پەن كومپانيالار اراسىنداعى جاۋاپكەرشىلىك ايماقتارى ايقىندالىپ, بارلىق قىزمەتتەر كوممەرتسيالىق ناتيجەگە جەتۋگە باعىتتالعان. بۇل رەتتە اكتسيونەرمەن, مەملەكەتپەن, سەرىكتەستەر جانە ينۆەستورلارمەن, قوعام جانە بەنەفيتسيارلارمەن اراداعى قارىم-قاتىناسقا جاڭاشا كوزقاراسپەن قاراۋدىڭ قاجەتتىلىگى تۋىنداپ وتىر.
كەلەشەك ۇشىن بەس جىلدىق ەڭبەك«سامۇرىق-قازىنا» سوڭعى بەس جىلدا قور مەن ەل ءۇشىن اسا ماڭىزدى بىرنەشە كەزەڭدەردەن ءوتتى. «ۇلتتىق ءال-اۋقات قورى تۋرالى» زاڭ 2012 جىلى قابىلداندى. سول كەزدە باسشىلىق الدىندا ۇكىمەت پەن قور قىزمەتىنىڭ اياسىن ايقىنداپ الۋ مىندەتى تۇرعان ەدى. «سامۇرىق-قازىنا» بتا, اليانس جانە تەمىربانك بانكتتەرىن قايتا قۇرىلىمداۋ, سونداي-اق بارلىق بانكتىك اكتيۆتەردى باسەكەلەستىك ورتاعا قايتارۋ بويىنشا كوپ جۇمىس اتقاردى. شىعىنداردى قىسقارتۋ باعدارلاماسىنا 2012 جىلى ايرىقشا ءمان بەرىلىپ, 2013 جىلدان 2015 جىلعا دەيىنگى ءۇش جىل ارالىعىندا 150 ميلليارد تەڭگەنىڭ شىعىندارى ازايتىلدى. سول كەزدە قازىناشىلىق فۋنكتسيانى باسقارۋدىڭ تۇجىرىمدامالىق مودەلى ازىرلەنىپ, ەنگىزىلدى.
قور 2013 جىلى ينۆەستيتسيالىق قوعامداستىقپەن بايلانىستارىن دامىتۋعا باسا نازار اۋداردى. ال 2014 جىلى قور مەن ونىڭ قورجىندىق كومپانيالارىن ترانسفورماتسيالاۋ جونىندەگى اۋقىمدى باعدارلامانى جۇزەگە اسىرۋ باستالدى. باستى مىندەت – كومپانيالار قۇنىن ارتتىرۋ, الەمدىك دەڭگەيدە باسەكەگە قابىلەتتىلىگىن جانە ونىمدىلىگىن كوتەرۋ. سونداي-اق ۇكىمەت جەكەشەلەندىرۋ باعدارلاماسىنا قاتىسۋ ءۇشىن كومپانيالار ءتىزىمىن بەكىتتى. بۇل باعدارلاما مەملەكەتتىڭ ەل ەكونوميكاسىنا ارالاسۋىن ازايتۋعا جانە جەكە سەكتوردىڭ ۇلەسىن ۇلعايتۋ ارقىلى ونى نىعايتۋعا كومەكتەسەدى. 2015 جىلى قوردىڭ كورپوراتيۆتىك ستراتەگياسى ايقىندالا ءتۇستى. سول كەزدە قور سالالاردى دامىتۋ, زەرتتەۋ جانە ءبىلىمدى باسقارۋ, قارجىلىق باقىلاۋ جانە بيزنەس ەتيكا (كومپلاەنس) ءتارىزدى باعىتتاردى بەلسەندى تۇردە دامىتۋعا كىرىستى. ال ەىدۇ وكىلدەرىنىڭ قاتىسۋىمەن ازىرلەنىپ, 2015 جىلى قابىلدانعان كورپوراتيۆتىك باسقارۋدىڭ جاڭا كودەكسى پاك جۇيەسى جانە ءتيىمدى ديرەكتورلار كەڭەستەرى ارقىلى قوردىڭ ءوز كومپانيالارىن ءتيىمدى باسقاراتىن ستراتەگيالىق حولدينگ رەتىندە قالىپتاسۋىنا ىقپال ەتەدى.
قور 2016 جىلى ستراتەگيالىق حولدينگ, بەلسەندى ينۆەستوردىڭ جاڭا وپەراتسيالىق مودەلىنە اۋىستى. باسقارۋشى ديرەكتورلاردان باستاپ بارلىق قىزمەتكەرلەر قوردا job matching اتتى ىرىكتەۋ ۇردىسىنەن ءوتتى. ناتيجەسىندە, قوردىڭ قۇرامى 40% جاڭارتىلدى.
سوڭعى جەتىستىكتەردىڭ ءبىرى – «سامۇرىق-قازىنا» اق ەگەمەن ءال-اۋقات قورلار ينستيتۋتى قۇراعان Public Investor 100 - 2017 رەيتينگىندە لايىقتى ورىن الدى. قور ءوزىنىڭ كوپتەگەن بەنچماركتەرىنەن وزىپ, 15 ۇزدىك قوعامدىق ينۆەستورلاردىڭ قاتارىنان ورىن الدى. بۇعان قوسا «سامۇرىق-قازىنا» 2017 جىلدىڭ قىركۇيەگىندە تمد اۋماعىندا تۇڭعىش رەت ۇيىمداستىرىلعان ەگەمەن ءال-اۋقات قورلاردىڭ حالىقارالىق فورۋمىنىڭ (IFSWF) IX وتىرىسىن ءساتتى وتكىزدى.
بۇگىنگى كۇنى «سامۇرىق-قازىنا» كومپانيالار توبىندا ءجۇز ەلۋدەن استام ترانسفورماتسيا جوبالارى جۇزەگە اسىرىلۋدا. ەڭ اۋقىمدى جوبالار 2020 جىلى اياقتالادى. بۇگىننىڭ وزىندە تابىستىلىق بويىنشا 61 ملرد تەڭگە كورسەتكىشىنە قول جەتكىزىلدى. بۇل – شىعىنداردى قىسقارتۋ مەن كومپانيانىڭ تابىستىلىعىن ارتتىرۋدىڭ ەكونوميكالىق اسەرى.
«سامۇرىق-قازىنا» 2022 جىلعا دەيىنگى دامۋ ستراتەگياسىنا سايكەس, كەلەسى ءۇش سالادا الەمدىك ۇزدىك تاجىريبە دەڭگەيىنە جەتۋدى كوزدەيدى: ءوزىنىڭ قورجىندىق كومپانيالارىنا ستراتەگيالىق جانە بەلسەندى ينۆەستور بولۋ, ۇلتتىق ەكونوميكانى جاڭعىرتۋ جانە تۇراقتى دامۋدى قامتاماسىز ەتۋ. باسقارما توراعاسى ومىرزاق شوكەەۆتىڭ پىكىرىنشە, ترانسفورماتسيانىڭ نەگىزگى جوسپارى جۇزەگە اسىرىلدى.
– قازىر ءبىز ۇلتتىق كومپانيالاردا ترانسفورماتسيالاۋ ءۇردىسىن مارەسىنە جەتكىزۋ, كورپوراتيۆتىك باسقارۋ جۇيەسىن ەنگىزۋ, ءىرو نارىعىنا شىعۋ سىندى ماسەلەلەرگە باسا كوڭىل ءبولىپ وتىرمىز. جالپى, قور بولاشاق ۇرپاق ءۇشىن قىزمەت ەتۋى ءتيىس. الداعى ۋاقىتتا كومپانيالارداعى ۇلەسىن قىسقارتا كەلە, «سامۇرىق-قازىنا» الەم نارىعىنداعى ءىرى قارجى ويىنشىسىنا اينالماق, – دەدى ول ءوز سوزىندە.