جانسايا ولەڭىمەن ورگە وزدى

ارينە, سونشاما كورەرمەننىڭ الدىنا شىعىپ, ساحنادان ولەڭ وقۋ وڭاي تيمەگەنى انىق. بۇل جولى جانسايا اقيىق اقىن مۇقاعالي ماقاتاەۆتىڭ «سوقىر انا» مونولوگىن تاڭداپتى. نەگىزىنەن شارا جازۋشى عابيدەن ءمۇستافين­نىڭ تۋعان كۇنىنە ورايلاستىرىلىپ وتكىزىل­دى. مۇنداعى باس­تى ماقسات – جازۋ­شى­نىڭ شىعارمالارىن بارىنشا ناسيحات­تاۋ. سونىمەن قاتار  شەتەل جانە وتاندىق ادەبيەت­شى­لەردىڭ شىعارمالارىن بارىنشا تانىمال ەتۋ. 

الەمدىك مادەنيەت قۇندىلىق­تارى­نا قۇرىلعان پوەزيا كەشى دە ساتىمەن ءوتىپ, كورەرمەن كوڭىلىن جادىراتا ءتۇستى. اتالعان جارىسقا ەلىمىزدىڭ ءار وڭىرىنەن ورتا جانە جوعارى وقۋ ورىندارىنىڭ 135 ستۋدەنتى قاتىسقاندىعىن ەسكەرسەك, اتالعان شارانىڭ قانشالىقتى تار­تىستى وتكەندىگىنە كوز جەتكىزۋگە بولا­دى. سونداي-اق ءۇشىنشى ورىنعا يە بولعان ەركەگۇل جاكەنوۆا دا ششۋچينسك قالا­سىند­اعى پەداگوگيكالىق كوللەدج ستۋ­دەنتى بولىپ تابىلادى. ول مۇحتار شاحانوۆتىڭ «وتىرار» پوەماسىنان ءۇزىندى وقىپ, تىڭدارماندارىن ءتانتى ەتتى. اتالعان وقۋ ورنىنىڭ قازاق ءتىلى مەن ادەبيەتى ءپانىنىڭ مۇعالىمى اقىلباي تەمىروۆ اعىنان جارىلىپ بىلاي دەدى: «وسىنداي شارا وتكىزۋ ءوز وتانىنا دەگەن قۇرمەت پەن سۇيىسپەنشىلىكتى وياتادى, ءاربىر بالانىڭ بويىندا تۇلعالىق سيپات قالىپتاسۋىنا, قازاقستان جاستارىنىڭ شىعارماشىلىق الەۋەتىن اشۋعا وڭ ىقپال ەتەدى. سونىمەن بىرگە وتاندىق تاريح پەن ادەبيەتكە قىزىعۋشىلىعىن ارتتىرىپ, كوركەمسوز ونەرى­نە جانە قويىلىم قويۋعا باۋليدى». شى­نىندا دا بۇل سايىس جاستاردى جارىس­تىرىپ عانا ەمەس, تابىستىرعان ادەمى پوە­زيا مەرەكەسىنە اينالدى.

اسقار تۇراپباي ۇلى, «ەگەمەن قازاقستان»

اقمولا وبلىسى