سەنات كوميتەتىندە بىرقاتار زاڭ جوبالارى قارالدى

كەلىسىمنىڭ ماقساتى اۆتوكولىك قۇرالدارىن جىمقىرۋعا قارسى كۇرەس ماسەلەلەرى بويىنشا قۇقىقتىق نەگىزدەردى جاساۋ بولىپ تابىلادى.

قوسىمشا بايانداما جاساعان كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ مۇشەسى ۆلاديمير ۆولكوۆ قازاقستاندا 1993 جىلدان باستاپ بۇگىنگە دەيىن 60 مىڭنان استام اۆتوكولىك ۇرلانعانىنا وتىرىسقا قاتىسۋشىلاردىڭ نازارىن اۋداردى. ىزدەستىرىلىپ, تابىلعان 43 مىڭعا جۋىق كولىكتەر يەلەرىنە قايتارىلعان كورىنەدى. بۇل ۇرلانعان كولىكتىڭ 70 پايىزى بولىپ وتىر.  وتكەن 12 جىلدا قازاقستاننان ۇرلانعان جانە شەتكە اكەتىلگەن 200 اۆتوموبيل تمد ەلدەرىنەن تابىلعان. ولاردىڭ 66-سى قايتارىلدى. وسى كەزەڭدە تمد ەلدەرىنەن ۇرلانعان 222 اۆتوكولىك ءبىزدىڭ ەلىمىزدەن تابىلسا, ولاردىڭ 77-ءسى قايتارىلىپتى.

كەلىسىم اياسىندا اۆتوكولىك قۇرالدارىن جىمقىرۋعا بايلانىستى قىلمىستاردىڭ الدىن الۋ, انىقتاۋ, جولىن كەسۋ, اشۋ جانە تەرگەپ-تەكسەرۋ, ىزدەستىرۋ جانە ولاردى قايتارۋ جونىندە تاراپتاردىڭ ىنتىماقتاسۋى كوزدەلىپ وتىر. تاراپتاردىڭ ءبىرىنىڭ اۋماعىندا جىمقىرىلعان اۆتوكولىك قۇرالى تابىلعان كەزدە وسى كەلىسىمدە بەلگىلەنگەن راسىمدەرگە سايكەس اۆتوكولىك قۇرالدارىن قايتارۋ جونىندەگى شارالار جۇزەگە اسىرىلادى.

وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قۇقىق قورعاۋ قىزمەتىنىڭ پروتسەستىك نەگىزدەرىن جاڭعىرتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا قارالدى.

زاڭ جوباسىنىڭ تۇجىرىمداماسى ادامنىڭ كونستيتۋتسيالىق قۇقىقتارىن قورعاۋدى نىعايتۋ, تەرگەۋ مەن تاراپتار تارتىستىلىعىنىڭ تيىمدىلىگىن ارتتىرۋ, سوت باقىلاۋىن ودان ءارى كەڭەيتۋ, بۇيرىقتىق ءىس جۇرگىزۋ ينستيتۋتىن ەنگىزۋ ارقىلى تەرگەۋ راسىمدەرىن وڭايلاتۋ, سونداي-اق قىلمىستىق قۋدالاۋ, پروكۋراتۋرا جانە سوت ورگاندارى اراسىنداعى قوسارلانۋدى جويۋ مەن وكىلەتتىكتەردى  ناقتى ءبولۋ جونىندەگى مىندەتتەردى ىسكە اسىرۋدى كوزدەيدى.

زاڭ جوباسىمەن ەلىمىزدىڭ قىلمىستىق-پروتسەستىك كودەكسىنە, «جەدەل-ىزدەستىرۋ قىزمەتى تۋرالى» جانە «پروكۋراتۋرا تۋرالى» زاڭدارعا وزگەرىستەر مەن تولىقتىرۋلار ەنگىزىلەتىن بولادى.

زاڭ جوباسى پالاتانىڭ قاراۋىنا جىبەرىلدى.