جامبىل اۋىلىنا سۋ كەلدى

ەلگە ەل قوسىلسا قۇت. وسىن­­داي يگى تىلەكپەن ءبىز دە جۋىر­دا عانا لەبيا­جى اۋدانىنا با­رىپ قايت­تىق. نەگىزى, اۋدان وبلىس ورتالىعىنا جاقىن ور­­نا­­­­لا­س­­قان. اۋىل­دا­رى, اۋدان ورتا­لىعى ومبى-ماي­قاپشاعاي باعى­­تىن­داعى سەمەي ارقىلى قى­تايعا جەتە­تىن حالىقارالىق جول­دىڭ بويىندا. بيىل ۇلكەن جول جاڭارىپ, جارقىراپ جون­دەۋدەن ءوتىپتى.

جولساپار بارىسىندا اۋ­دان­­نىڭ جامبىل, يامىش, قى­زىل­اسكەر دەپ اتا­­لاتىن اۋىلدارىندا اتقارىلىپ جاتقان الەۋ­مەتتىك-تۇرمىستىق سالا جۇ­مىستارىمەن تانىستىق. جال­پى, ءوڭىر بويىنشا اسقا­باقتىڭ, قاربىزدىڭ ءتۇرلى سورتتارىن وسىرۋمەن اتى شىققان اۋىلدار دا بار. اۋدان ورتالىعى اققۋلىدا, بەسقاراعاي, چەر­نوە, مالىباي اۋىلدارىنا ورتالىق­تاندىرىلعان سۋ قۇبىرى تارتىلىپتى.

– بۇدان باسقا, شارباق­تى, شابار, يامىشەۆ جانە تىلەك­­تەس اۋىلدارىندا­ KبM قون­دىر­­عىلارى جۇ­مىس­ ىستەپ تۇر.­ ورتالىق سۋ جۇيەسىنە قوسىلماعان 13 اۋىلدا اۋىز سۋ قورى ناقتىلاندى. شار­باقتى, شابار, شاقا اۋىلدارىنا ورتالىقتاندىرىلعان سۋ قۇبىرىن تارتۋ ءۇشىن وبلىستىق بيۋدجەت قاراجا­تى ەسەبىنەن جوبالاۋ-سمە­­تا­لىق قۇجاتى ازىر­لەن­دى, ­قازىر ساراپتامالىق كو­ميس­­سيانىڭ قاراۋىندا, – دەي­دى اۋدان اكىمى ەرنۇر ايتكەنوۆ.

ايتسا ايتقانداي-اق,­ جام­بىل اۋىلىنا كەلگەنى­مىزدە جاقىندا عانا پاي­دا­لا­نۋعا بەرىلگەن سۋ قۇبىرى نىسانىنا بارىپ كور­دىك. قۇرىلىس بارىسىندا سۋ تارتقىش 2 مۇنارا, ۇزىن­دىعى 9000 مەتردى قۇراي­تىن, ديامەترى 110 مم نەگىز­گى قۇبىر, 118 نەگىزگى تەمىر-بەتون قۇدىق, 114 ۇيگە سۋ جەتكىزۋ قۇدىعى سالىنىپتى. سۋ تازارتۋ, سۋ الۋ قۇرىلعىلارى ورناتىلعان الاڭ قورشالىپ, سىرلانعان, ەلەكتر قۋاتى تارتىلىپتى. اۋىلدىڭ 3 تۇرعىنى تۇ­راقتى جۇمىسقا ورنالاسىپتى. اۋىلدا ۇيگە سۋ جەتكىزىپ بەرگەن مۇنداي قۇرىلىس ءومىرى بولماعان دەپ تە جاتىر تۇرعىندار.

قۇرىلىس بيىلعى جىل­دىڭ ءساۋىر ايىندا عانا باستالىپتى. جەرگىلىكتى «ايسۋ مەليوراتسيا» جشس-مەن قۇنى 330 ميلليون 375 مىڭ تەڭگەگە كەلىسىمشارت جاسالعان. اۋىل اكىمدىگىنىڭ اقپاراتىنشا, 283 ميلليون 361 مىڭ تەڭگە يگە­رىلدى. ونىڭ ىشىندە 217 ميل­ليون 450 مىڭ تەڭگە رەسپۋبليكالىق بيۋدجەتتەن, 65 ميلليون 911 مىڭ تەڭگە جەرگىلىكتى بيۋدجەتتەن بولىنگەن.

ءبىز قالاداعىداي سۋ كە­لىپ, اس بولمەدە ىدىس جۋىپ جاتقان قاديشا جۇمان­باەۆانىڭ ۇيىنە كەلىپ, قۇتتى بولسىن ايتىپ شىقتىق. قا­دي­شادان باسقا بىرقاتار وت­باسى بارلىق قۇرىل­عىلا­رىن ورناتىپ الىپتى, ۇيلەرىنە سۋ كەلىپ تۇر. قالعان تۇر­عىندار دا ۇيلەرىنە سۋ تارتۋ جۇمىستارىن الداعى كوك­تەمگە جوسپارلاپ وتىر. جاقسى-اق. بىراق, اۋدان ور­تالىعىنىڭ ىرگە­سىندە تۇر­عان جامبىل اۋىلى­نىڭ ىشىن­دە, كىرەبەرىس كوشەسىندە جي­ناقىلىق, ۇقىپتىلىق جوق­تى­عى, نازاردا تىس قال­عانى باي­قالادى.

– قازىر اۋدان اكىمدىگى وڭتۇس­تىك وبلىستاردان­ كو­شىپ كەلۋ­شىلەرگە الدىن-الا وسىلاي الەۋ­مەت­تىك جاعدايلار جاساۋدامىز. اۋداندا 13 مىڭداي حالىق تۇرا­دى, 23 اۋىلدىق اۋماق بار. وسى اۋىلدارعا كوشىپ كەلەتىن وتباسىلاردى ورنالاستىرامىز. بيىل جىل سوڭىنا دەيىن يامىشەۆ اۋىلىنداعى سۋ قۇبىرىنىڭ قۇرىلىسى اياقتالادى. جوبالار ىسكە قوسىلعاندا, تۇرعىنداردى ورتالىقتاندىرىلعان اۋىز سۋ جەتكىزۋ كورسەتكىشىن 52,7 پايىز بولماق, – دەيدى اۋدان اكىمى.

فاريدا بىقاي,

«ەگەمەن قازاقستان»

پاۆلودار وبلىسى,

لەبياجى اۋدانى