«بالداۋرەن» بالالاردى وتانشىلدىققا باۋليدى

اتالعان شارانىڭ باستى ماق­سا­تى – «ماڭگىلىك ەل» جالپى­ۇلت­تىق يدەياسىنىڭ ءمان-ماعىناسىن ءتۇ­سىندىرۋ, جاس قازاقستاندىقتاردىڭ بوي­ىندا وتانشىلدىق سەزىمىن ويا­تۋ جانە دە سانانى جاڭا ساپالى دەڭگەيدە جاڭعىرتۋ. ونىڭ جۇ­­مى­سى­نا ءبىلىم جانە عىلىم مي­نيسترلىگى ى.التىنسارين اتىن­دا­­عى ۇبا وكىل­­دەرى, استانا مەن الماتى قا­لا­سى جانە وبلىس­تىق ءبى­لىم باس­قار­مالارىنىڭ جەتەك­شى­لەرى, رەس­پۋب­ليكالىق ءبىلىم بەرۋ مە­كە­مەلەرىنىڭ باسشىلارى, ءپان مۇعا­لىم­دەرى, «رۋحاني جاڭعىرۋ» باع­دار­لاماسىنىڭ مەنەدجەرلەرى قاتىستى.

وتىرىستى ءسوز سويلەپ اشقان «بالداۋرەن»  رەسپۋبليكالىق وقۋ-ساۋىقتىرۋ ورتالىعىنىڭ باس دي­رەك­­تورى مۇحيددين تولەپباي ور­تالىق جۇمىسىنا كەڭىنەن توق­تالىپ كەتتى. قازىرگى تاڭدا ور­تا­لىق جاس بۋىندى پاتريوتيزمگە تاربيەلەۋگە ەرەكشە ەكپىن بە­رىپ وتىر. «پاتريوتيزم مەن ازا­مات­تىق­تى تاربيەلەۋ يدەياسى قوعامدىق جانە  ۇلتتىق ماڭىزى بار مىندەت بولىپ تابىلادى. نەگىزگى ماقساتى وتانعا, تۋعان جەرىنە دەگەن سۇيىس­پەن­شىلىك سەزىمىن تاربيەلەۋ بولىپ تابىلاتىن «تۋعان جەر» پات­ري­وتتىق باعدارلاماسى – ءبىز ءۇشىن ەرەك­­شە ماڭىزعا يە», دەپ اتاپ ءوتتى مۇحيددين بەكبولات ۇلى.

جالپى, «بالداۋرەن» روسو جى­لىنا 5 مىڭنان اسا بالا قا­بىل­دايتىن قازاقستانداعى جال­عىز وقۋ-ساۋىقتىرۋ ورتالىعى. مەم­لەكەت باسشىسىنىڭ تاپسىرما­سى­مەن 2002 جىلى قۇرىلعان ورتا­لىق 15 جىلدان بەرى وسكەلەڭ ۇر­پاق­قا پاتريوتتىق تاربيە بەرۋ بوي­ىنشا ۇلكەن جۇمىس اتقارىپ كە­لەدى. بۇنداعى ەڭ ماڭىزدى وقي­عا 2016 جىلعى اقپان ايىندا جاس قا­زاقستاندىق پاتريوتتار اكا­دە­مياسىنىڭ قۇرىلۋى. سودان بەر­گى ۋاقىت ارالىعىندا ەلىمىز وڭىر­لەرىندەگى 1358 بالاعا وسىنداي قۇر­مەتتى اتاق بەرىلىپ وتىر. بۇل رەت­تە وتكەن جىلى اشىلعان «بال­داۋ­­رەن – قاپشاعاي» فيليالىندا كۆو­­تا بويىنشا 2 مىڭنان اسا بالا ساۋ­ىقتىرىلعاندىعىن دا اتاي كەتكەن ورىندى.

القالى جيىندا ەۋرازيا ۇلت­­تىق ۋنيۆەرسيتەتى تاريح فا­كۋ­ل­­تە­تىنىڭ دەكانى تىلەگەن سادىقوۆ «رۋحاني جاڭعىرۋ» – تابىستى ەل بولۋىمىزدىڭ كە­پىلى» تاقىرىبىندا وي قوزعادى. «ەل­باسى ۇلتتىق سانانى جاڭعىرتۋ ماق­ساتىندا ءبىرىنشى رەت عىلىمي اي­نالىمعا ۇلتتىق كود دەگەن تۇسى­نىكتى ەنگىزدى. ۇلتتىق كود دە­گە­نى­مىز – ءسىز بەن ءبىزدىڭ بۇگىنگى تىر­­­­­شى­لى­گىمىز. قازاقتىڭ الەمدىك دەڭ­­­­گەي­ى­نىڭ كوتەرىلگەنى وسى ۇلتتىق كود ار­قىلى كورىنەدى», دەدى تىلەگەن سا­­­دىق ۇلى.

ءبىلىم جانە عىلىم مينيسترلىگى «رۋحاني جاڭعىرۋ» باعدارلاماسى اياسىندا جۇرگىزىپ وتىرعان «تاربيە جانە ءبىلىم» كىشى باعدارلاماسىنىڭ مەنەدجەرى لادا بارون سوڭعى بەس ايدا سانانى جاڭعىرتۋ بويىنشا ەلىمىزدە قىرۋار جۇمىستار ات­قا­رىل­عاندىعىنا نازار اۋدارت­تى. ءبى­لىم مەكەمەلەرىندە وتان­سۇي­گىش­تىك پەن ازاماتتىققا تار­بي­ەلەۋ جۇ­مىس­تا­­رىن تىلگە تيەك ەتكەن ل.با­­رون قا­زىرگى وسكەلەڭ ۇرپاق بوي­­ىنا «مەن ەلىم ءۇشىن نە ىستەي الا­­مىن؟», دەگەن قا­­عيدانى ءسىڭىرۋ قا­­جەت ەكەندىگىن ەرەكشە اتادى.

جالپى, سەمينار جۇمىسى پان­دىك-تاجىريبەلىك باعىتتا ءوربىدى. تال­قىلاۋ بارىسىندا وقىتۋ-تار­بيە جۇمىسىنىڭ تيىمدىلىگىن ارت­تى­رۋدىڭ تەتىكتەرىن قالاي ىسكە قوسۋ كە­رەكتىگى جونىندەگى ماسەلەلەردىڭ جاۋ­ابى سارالاندى. ال پانەلدىك سەك­تسيالاردا «رۋحاني جاڭعىرۋ» باع­دارلاماسىنىڭ ماڭىزدى با­عىت­­­تا­رىن ىسكە اسىرۋ جولدارى قا­رالىپ, ۇنقاتىسۋ الاڭدارىندا جان-جاقتى تالقىلاۋ تەزىنە اينالدى.

اسقار تۇراپباي ۇلى,

«ەگەمەن قازاقستان»

اقمولا وبلىسى