مينسكىدە قازاقستان-بەلارۋس بيزنەس فورۋمى ءوتتى

350-گە جۋىق بيزنەس وكىلى قاتىسقان فورۋم بارىسىندا قازاقستان مەن بەلارۋس مەملەكەتتەرىنىڭ ينۆەستيتسيالىق مۇمكىندىكتەرى تانىستىرىلىپ, ەكىجاقتى ىنتىماقتاستىق پەن ولاردى دامىتۋ جولدارى تالقىلاندى. سونىمەن قاتار فورۋم اياسىندا ەكى مەملەكەتتىڭ جەڭىل ونەركاسىپ, اۋىل شارۋاشىلىعى, ازىق-ت ۇلىك جانە تاۋ-كەن ءوندىرىسى, مەتاللۋرگيا كاسىپورىندارى اراسىندا ەكىجاقتى ىسكەرلىك كەزدەسۋلەر ءوتتى. 

ءبىر ايتا كەتەرلىگى, قازاقستان تمد مەملەكەتتەرىنىڭ ىشىندە بەلارۋس رەسپۋبليكاسىنىڭ نەگىزگى ساۋدا سەرىكتەستەرىنىڭ ۇشتىگىنە كىرەدى. بىلتىر ەكى ەل اراسىندا ساۋدا اينالىمى 364,5 ملن دوللاردى قۇراسا, بيىلعى جىلدىڭ العاشقى 8 ايىندا بۇل كورسەتكشى 375,6 ملن دوللارعا جەتتى. 

1996 جىلدان بەرى قازاقستان-بەلارۋس ساۋدا-ەكونوميكالىق ىنتىماقتاستىعى جونىندەگى ۇكىمەتارالىق كوميسسيا جۇمىس ىستەيدى. بيىلعى جىلدىڭ 21-22 قىركۇيەگىندە قاراعاندىدا كوميسسيانىڭ 13-ءشى وتىرىسى وتكەن بولاتىن. 

گۇلنۇر قۋانىشبەكقىزى,

"ەگەمەن قازاقستان"

مينسك (بەلارۋس رەسپۋبليكاسى)