ءدىن ىستەرى جانە ازاماتتىق قوعام ۆيتسە-ءمينيسترى بەرىك ارىن قازاقستان مۇسىلماندارى ءدىني باسقارماسىنىڭ وكىل يمامدارىمەن كەزدەستى.
باسقوسۋعا ءدىني باسقارما توراعاسىنىڭ ورىنباسارلارى سەرىك وراز بەن ناۋرىزباي وتپەنوۆ, «ۋاقىپ» قازاقستاندىق كورپوراتيۆتىك قايىرىمدىلىق قورىنىڭ پرەزيدەنتى قايرات ايتباي قاتىستى.
ءدىن سالاسىنداعى مەملەكەتتىك ساياساتتى ءتۇسىندىرۋ, مەملەكەتتىك-كونفەسسياارالىق قارىم-قاتىناستاردى دامىتۋ ماقساتىنداعى شارادا ەلدەگى ەتنوسارالىق جانە كونفەسسياارلىق كەلىسىمدى ساقتاۋ ءۇشىن ءدىندار ازاماتتاردى بايىپتىلىق پەن تاعاتتىلىققا داعدىلاندىرۋ قاجەتتىگى ايتىلدى. سونىمەن قاتار, كەزدەسۋدە مەملەكەت باسشىسىنىڭ 2017 جىلعى 31 قاڭتارداعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋى, مەملەكەت پەن قمدب بىرلەسىپ ءدىني راديكاليزم مەن ەكسترەميزمنىڭ الدىن الۋ, جاستاردىڭ بويىندا دەسترۋكتيۆتى ءدىني اعىمدارعا قارسى يممۋنيتەتتى قالىپتاستىرۋ ماسەلەلەرى تالقىلاندى.
جيىندا قازاقستان مۇسىلماندارى ءدىني باسقارماسىنىڭ باسشىلىعى ءدىن سالاسىنداعى مەملەكەتتىڭ ساياساتىن قولدايتىنىن ايتىپ, مينيسترلىكتىڭ ءدىني قىزمەتشىلەردىڭ بىلىكتىلىگىن كوتەرۋ ماسەلەسىنە ەرەكشە كوڭىل ءبولىپ وتىرعاندىعىنا ريزاشىلىقتارىن ءبىلدىردى.