قازاقستاندىق تەننيسشى قىزدار تۇركيادا وتكەن جارىستا جەڭىمپاز اتاندى.
قازاقستاندىق جاس تەننيسشى قىزدار ادەل مالعونىسوۆا مەن سوفيا بارانوۆا Tennis Europe Koza WOS Cup ءتۋرنيرىنىڭ جەڭىمپازدارى اتاندى. جۇپتاسۋ باسەكەسىندە وتانداستارىمىز فينالدىق ويىندا جەرگىلىكتى سپورتشىلاردان باسىم ءتۇستى. بيللۋر گونلۋسەن مەن ايسەگۇل مەرت جۇبى قازاقستاندىق قىزدارعا شاماسى جەتپەدى. قورىتىندى ەسەپ 6:2, 6:4.
ستامبۇلدا وتكەن جارىسقا 14 جاسقا دەيىنگى جاسوسپىرىمدەر قاتىستى. الەمنىڭ 30 ەلىنەن كەلگەن 200-گە جۋىق سپورتشىنىڭ اراسىنان جەڭىمپاز اتانعان قازاقستاندىق قىزدار الماتىداعى "قازاقمىس" تەننيس كلۋبىندا جاتتىعادى.