قالادا ليفتەردى اۋىستىرۋ جۇمىستارى جالعاسۋدا دەپ حابارلايدى ەلوردا اكىمدىگىنىڭ مەديا ورتالىعى.
ليفتەردى جوندەۋ جانە جاڭا ليفتەردى ورناتۋ جۇمىستارى جيرەنتاەۆ كوشەسىندەگى (14, 20/1, 22/2), جۇماباەۆ داڭعىلىنداعى (1), كۇمىسبەكوۆ كوشەسىندەگى (6), قاجىمۇقان كوشەسىندەگى (26, 28), ابىلايحان داڭعىلىنداعى (47,49) ۇيلەردە باستالدى. جىل سوڭىنا دەيىن اتالعان ۇيلەردە ەسكى ليفتەر جاڭاسىنا وڭىرلەردى دامىتۋ باعدارلاماسى بويىنشا اۋىستىرىلاتىن بولادى.
اتالعان ۇيلەردىڭ تۇرعىندارى مەملەكەتتەن كومەكاقى الىپ, ليفتەردى اۋىستىرىپتى. ءدال وسىلاي ۇيىندەگى ليفتەردى اۋىستىرۋدى قالايتىن قالالىقتار قۇجاتتاردى «وركەن قالا» باعدارلاماسىنىڭ وپەراتورى بولىپ تابىلاتىن كومپانياعا جولداۋى قاجەت. بۇدان كەيىن كەلىسىم جاسالىپ, مەردىگەر تاڭدالادى. ءۇردىس تولىعىمەن تۇرعىنداردىڭ باقىلاۋىندا جۇزەگە اسادى. كومەك قارىز 15 جىلعا الىنسا, ورتاشا ەسەپپەن ءار پاتەر (اۋدانىنا بايلانىستى) 2 مىڭ تەڭگەدەن تولەيدى.
جىل سوڭىنا دەيىن اتالمىش باعدارلاما بويىنشا استانادا 63 ليفت اۋىستىرىلاتىن بولادى.
بۇدان بولەك, قازىرگى تاڭدا ەلورداداعى 5 تۇرعىن ۇيدە 19 ليفت پايدالانۋعا بەرىلدى (دۇكەن ۇلى كوشەسى 38 («شاڭىراق» تك, 8 ليفت), سارىارقا كوشەسى 41 («ماحاببات 1» تك, «ماحاببات 2» تك, 10 ليفت), ب. مومىش ۇلى كوشەسى 16 (4 ليفت), كەڭەسارى كوشەسى 65 («ەدەم پالاس» تك, 1 ليفت).. قاراشا ايىنىڭ سوڭىنا دەيىن «ماحاببات» تك-دە تاعى دا 4 ليفت جۇمىس ىستەمەك. بۇل 10, كوپ دەگەندە 15 جىل بۇرىن تۇرعىزىلعان ۇيلەر.
مەردىگەرلەردىڭ پروبلەمالارىن, كوپتەگەن شاعىمداردى, تۇرعىندارعا تونگەن قاۋىپتى, كوتەرگىشتەردىڭ اپاتتىق جاعدايىن ەسكەرە وتىرىپ, استانا اكىمدىگى ليفتەردى اۋىستىرۋ ىسىنە قولداۋ كورسەتتى.
ەستەرىڭىزگە سالا كەتەيىك, اعىمداعى جىلدىڭ كوكتەمىندە استانا اكىمى اسەت يسەكەشەۆ قالانىڭ ليفت شارۋاشىلىقتارىنىڭ بارلىعىن تەكسەرىپ, بۇل باعىتتاعى جۇمىستاردى رەتكە كەلتىرۋ بويىنشا كەشەندى شارالاردى قولعا الۋدى جۇكتەگەن بولاتىن. قازىرگى تاڭدا استانادا 6577 ليفت تىركەلگەن. ولاردىڭ 4879-ى تۇرعىن ۇيلەردە, 1728-ءى اكىمشىلىك عيماراتتاردا ورنالاسقان.