بۇگىن وڭتۇستىك قازاقستان وبلىسىنىڭ اكىمى ج.تۇيمەباەۆ وقو ىشكى ىستەر دەپارتامەنتىنىڭ بازاسىندا بولىپ, ونداعى ءوتىپ جاتقان رەسپۋبليكالىق شتابتىق وقۋ-جاتتىعۋدىڭ بارىسىمەن تانىستى.
وبلىس اكىمىنە ىشكى ىستەر ورگانىنىڭ دايىندىعى مەن قابىلەتتىلىك دەڭگەيى جانە ماتەريالدىق-تەحنيكالىق بازاسى كورسەتىلدى.
قۇقىق قورعاۋ سالاسىنىڭ قىزمەتكەرلەرىمەن تىلدەسكەن ايماق باسشىسى ىشكى ىستەر ورگانىنىڭ جۇمىسى زاماناۋي تەحنيكامەن قامتاماسىز ەتىلگەنىندە ەمەس, مامانداردىڭ كاسىبيلىگىمەن انىقتالاتىنىن اتاپ ءوتتى.
ايتا كەتەيىك, وقۋ-جاتتىعۋ شەڭبەرىندە داعدارىس جاعدايى تۋىنداعان ورىندارعا قىسقى مەزگىلدە وپەراتسيالاردى وتكىزۋ كەزىندەگى ارەكەتتەرگە قۇقىققورعاۋ ورگاندارى كۇشتەرىن جونەلتۋ ماسەلەلەرى پىسىقتالادى.
ماسەلەن, وقۋ-جاتتىعۋ بارىسىندا كۇش پەن قۇرالداردى باسقارۋدى ۇيىمداستىرۋ, مەملەكەتتىك ورگانداردى جەدەل حاباردار ەتۋ, ۆەدومستۆولىق بايلانىس قۇرالدارىنىڭ جانە ءوزارا بايلانىسىنىڭ تۇراقتى جۇمىسىن قامتاماسىز ەتۋ, ءارتۇرلى قويىلعان تاپسىرمالاردى ورىنداۋداعى مەملەكەتتىك ورگانداردىڭ ءوزارا بايلانىسى تەكسەرىلەدى.
سونداي-اق, وقۋ-جاتتىعۋ بارىسىندا شارتتى تۇردەگى توتەنشە جاعداي كەزىندەگى ازاماتتاردىڭ قاۋىپسىزدىگىن قامتاماسىز ەتۋ جانە قۇقىق قورعاۋ ورگاندارىنىڭ جەدەل ءوزارا ءىس-ارەكەتى پىسىقتالادى.