مەملەكەت باسشىسى نۇرسۇلتان نازارباەۆ اناتولي مولودوۆتىڭ قايتىس بولۋىنا بايلانىستى مارقۇمنىڭ وتباسىنا كوڭىل ايتۋ جەدەلحاتىن جولدادى, دەپ حابارلايدى اقوردانىڭ ءباسپاسوز قىزمەتى.
قازاقستان پرەزيدەنتى بەلگىلى حور ديريجەرى, پەداگوگ اناتولي مولودوۆتىڭ دۇنيەدەن وتكەنى تۋرالى حاباردى زور كۇيزەلىسپەن قابىلدادى.
«ول ءومىرىنىڭ كوپ جىلىن مادەنيەتتىڭ بيىك مۇراتتارىنا قىزمەت ەتۋگە ارنادى. ونىڭ ەسىمى قازاقستان حور ونەرىنىڭ قالىپتاسۋى مەن دامۋىنىڭ تۇتاس ءبىر كەزەڭىمەن بايلانىستى», – دەلىنگەن كوڭىل ايتۋ جەدەلحاتىندا.
سونداي-اق, جەدەلحاتتا ا.مولودوۆ وتاندىق دارىندى ورىنداۋشىلاردىڭ شوعىرىن تاربيەلەپ شىعارعانى ايتىلعان.
ەلباسى سوڭىندا ا.مولودوۆتىڭ ەسىمى قازاقستاندىقتاردىڭ جۇرەگىندە ساقتالاتىنىن اتاپ وتكەن.