يندۋستريانى وركەندەتۋ – كەشەندى مىندەت

مەملەكەت باسشىسى تاپسىرعان جەدەلدەتىلگەن تەحنولوگيالىق جاڭ­عىر­تىلۋ جونىندەگى مىندەتتەردىڭ ورىن­دالۋ جايىنان حاباردار ەتكەن ين­ۆەستيتسيالار جانە دامۋ ءبىرىنشى ۆي­تسە-ءمينيسترى اليك ايدارباەۆ 2015-2019 جىلدارعا ارنالعان ين­دۋس­تريالىق-يننوۆاتسيالىق دامۋ مەم­لەكەتتىك باعدارلاماسىن ىسكە اسى­رۋدىڭ ار­قا­سىن­دا وڭدەۋ ونەركاسىبى اي­تار­لىقتاي ور­كەندەگەنىن ايتتى. بيىلعى جىلدىڭ ون ايىنداعى كورسەتكىش بويىنشا وڭ­دەۋ ونەركاسىبىنىڭ ءوسىمى 5,2 پايىزدى قۇ­را­عان جانە مۇنداي قارقىن بارلىق سەك­توردا بايقالعان.  ال بيىلعى ال­تى ايداعى جاعداي بويىنشا ەڭبەك ونىم­دىلىگى 14,5 مىڭ اقش دوللارىنا جەتسە, وڭدەۋ ونەركاسىبىنىڭ ەكسپورتى 2017 جىلدىڭ 8 ايىندا 23 پايىزعا ءوسىپ, 9,9 ملرد اقش دوللارىن قۇراعان.

ا.ايدارباەۆتىڭ ايتۋىنشا, بۇ­گىندە مينيسترلىك «يندۋستريا 4.0»-گە كوشۋ بويىنشا بەلسەندى جۇمىس ات­قارىپ, وسىعان قاتىستى ونەركاسىپ سا­لاسىنا تالداۋ جۇرگىزگەن.  600-دەن استام كاسىپورىن زەرتتەلگەن جۇمىست­ىڭ قورىتىندىسىندا ولاردىڭ 20 پاي­ىزى  ماتەريالدىق-تەحنيكالىق جاب­دىقتالۋى جاعىنان, كادرلىق-ۇيىم­داس­تىرۋشىلىق تۇرعىسىنان ءتورتىنشى ين­دۋستريالىق دەڭگەيگە وتۋگە دايىن ەكەنى انىقتالعان. بۇل جاعىنان ال­عاندا كەن ءوندىرىسى سالاسىنداعى كور­سەت­كىش شامامەن 40 پايىزدى قۇرايدى.

البەتتە, تسيفرلى تەحنولوگيالار نەگىزىندە قۇرىلاتىن يندۋستريالىق دامۋ بارىسىندا بيزنەس سالاسىنا دا يننوۆاتسيالىق جوبالاردى كوبىرەك تارتۋ قاجەت ەكەنى بەلگىلى. وسىعان وراي كا­سىپكەرلىك سالاسىن جاڭا باعىتتا دامى­تۋ, وعان «يندۋستريا 4.0» تەحنو­لو­گيالارىن ەنگىزۋدى دارىپ­تەۋ ءۇشىن بىر­قاتار شارالار قول­عا الىنىپتى.  ايتالىق, بيزنەسكە كو­مەك رە­تىندە مودەلدى تسيفرلى فابري­كا­لار قۇرىلادى. وسى جىلدىڭ سو­ڭىنا دەيىن اتالعان مودەلدى نۇسقا قا­ناتقاقتى جوبا رەتىندە كەيبىر كاسىپ­ورىن­دارعا ەنگىزىلەدى. وسىدان كەيىن تسيفر­لاندىرۋدىڭ جول كارتالارى ازىر­لەنەتىن بولادى.

ءباسپاسوز كونفەرەنتسياسى بارىسىن­دا «قازاقستاندىق يندۋستريانى دامىتۋ ينستيتۋتى» اق باسقارما تورا­عا­سى بەرىك بەكەنوۆ «يندۋستريا 4.0» ەلەمەنتتەرىن ەنگىزۋ قازاقستاندىق كا­سىپ­ورىنداردىڭ جەدەل دامۋىنا ىق­پال ەتەتىنىن اتاپ ءوتتى.  ونىڭ ايتۋىن­شا, ونەركاسىپتى تسيفرلاندىرۋ ءبىرىنشى كە­زەك­تە وندىرىستىك شىعىنداردى ازاي­­تىپ, ەڭبەك جاعدايى مەن ەڭبەك ونىم­دىلىگىن جاقسارتادى. ەڭ باستىسى, ين­دۋس­تريانىڭ جاڭا كەزەڭىنە ءوتۋ وتان­دىق كاسىپورىنداردىڭ اراسىندا باسە­كە­لەستىكتى دامىتادى. 

جالپى, «يندۋستريا 4.0» رەتىندە بەلگىلى ءتورتىنشى ونەركاسىپتىك رەۆوليۋتسيا بۇگىندە جاھاندىق ەكونوميكالىق ما­ڭىزى بار تەندەنتسياعا اينالدى. بۇل ين­دۋستريالار قازىردىڭ وزىندە دامىعان ەل­دەردىڭ ەكونوميكالىق قۇرى­لى­مىن وز­گەرتىپ, ءداستۇرلى سالالارعا جا­ڭا سا­پا دارىتتى. اقپاراتتىق كوممۋ­ني­كا­تسيالىق تەحنولوگيا كەڭىنەن قول­دا­نىلاتىن جەدەلدەتىلگەن يندۋستريا قازاقستان ونەركاسىبىن جاڭاشا سيپاتتا دامىتىپ, قولدانىستاعى جۇيەنى جەڭىلدەتۋگە ىقپال ەتەدى. مۇنىڭ ءبارى اي­نالىپ كەلگەندە ەكونوميكامىزعا وڭ اسەر ەتىپ, ەلىمىزدىڭ الەمدەگى 30 وزىق ەل­دىڭ قاتارىنا كىرۋىنە مۇمكىندىك جاساماق.

قىمبات توقتامۇرات,

«ەگەمەن قازاقستان»