«ەرتىس ارۋى-2017» سۇلۋلىق بايقاۋىنىڭ باس جۇلدەسىن وبلىس ورتالىعىنداعى مەملەكەتتىك پەداگوگيكالىق ينستيتۋتىنىڭ ستۋدەنتى ءسانيا تەمىرحانوۆا جەڭىپ الىپ, جارقىراعان ءتاجدى باسىنا كيدى.
س.تورايعىروۆ اتىنداعى مەملەكەتتىك ۋنيۆەرسيتەت ستۋدەنتتەرى اراسىندا وتكەن «ەرتىس ارۋى-2017 ارۋى» سۇلۋلىق بايقاۋىنىڭ فينالىندا بىردەن ءتورت اتالىم بويىنشا جەڭىمپازدار انىقتالدى. بايقاۋدىڭ ىرىكتەۋ كەزەڭىنە 33 قىز قاتىستى. ونىڭ 10-ى عانا مارەگە جولداما الدى. قاتىسۋشىلار وزدەرىن تانىستىرۋ, ءساندى كويلەك, اكتەرلىك شەبەرلىك, بي بيلەۋ جانە ءان ايتۋ ارقىلى ءوز ونەرلەرىن كورسەتتى. مەملەكەتتىك ۋنيۆەرسيتەتتىڭ باسقارۋ, بيزنەس جانە قۇقىق فاكۋلتەتىنىڭ ستۋدەنتى كريستينا كوماروۆا ەرەكشە سۇلۋلىعىمەن كورەرمەن كوزايىمىنا يە بولدى. ماشينا جاساۋ فاكۋلتەتىنىڭ ستۋدەنتتەرى ايدا بايتەمىروۆا «سۇلۋ ارۋ» اتاعىن جەڭىپ السا, دايانا سۇيىندىكوۆاعا «نازىك ارۋ» اتاعى بەرىلدى. اگروتەحنولوگيا فاكۋلتەتىنىڭ تۇلەگى ولگا ماتيۋحينانىڭ ونەرى مەن سۇلۋلىعىنا تاڭداندى. ولگا ەكىنشى ۆيتسە-ميسس اتاعىن جەڭىپ الدى. قىزداردىڭ بارلىعى دا سالاۋاتتى ءومىر سالتىن ۇستانادى. فيتنەس-ورتالىقتار, بي ستۋديالارىنا بارادى. ارالارىندا شىعىس جەكپە-جەگى, كاراتەمەن دە جاتتىعاتىندار دا بار. بايقاۋعا قويىلعان تالاپتار-سۇلۋلىق, تالانت جانە شىعارماشىلىق قاسيەتتەر. قازىلار القاسىنىڭ قۇرامىندا بيزنەس, Fashion-يندۋستريا, باق جانە باسقا سالالار وكىلدەرىنە قۇرالدى.
ال, «ەرتىس ارۋى-2017» بايقاۋىنىڭ باس جۇلدەسىن مەملەكەتتىك پەداگوگيكالىق ينستيتۋتىنىڭ ستۋدەنتى ءسانيا تەمىرحانوۆا جەڭىپ الدى. ابايدىڭ 200-دەن استام ولەڭىن جاتقا بىلەتىن ءسانيا كەز كەلگەن بەتتى اشقاندا العاشقى شۋماقتان ولەڭدى سوڭىنا دەيىن جاتقا ايتتى. ءسانيانىڭ بۇل ەرەكشەلىگى ادىلقازىلار مەن كورەرمەندەردى باۋراپ الدى. الداعى ۋاقىتتا ءبىز گازەتىمىزگە ءسانيا جايلى تولىق تۇردە ماقالا جازامىز.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: رۋفينا تورپيششەۆا