وبلىس اكىمدىگىندە وتىرىستا مەملەكەتتىك- جەكەمەنشىك ارىپتەستىك شەڭبەرىندە جۇزەگە اسىرىلاتىن جوبانىڭ تۇساۋكەسەرى ءوتتى.
جوبا بويىنشا, وبلىس ورتالىعىندا بوي كوتەرەتىن نىساننىڭ اۋماعىندا وليمپيادالىق رەزەرۆ دايىنداۋ ورتالىعى, جەڭىل اتلەتيكا جانە فۋتبول مانەجدەرى ورنالاسادى. جوبانى «قازەدەمسترويگرۋپپ» جشس جۇزەگە اسىرادى. قۇنى 6,5 ملرد تەڭگەنى قۇرايدى. قالاشىق «قۇلاگەر» يپپودرومى جانىندا ورنالاسادى. حالىقارالىق جەڭىل اتلەتيكا فەدەراتسياسىنىڭ بارلىق تالاپتارىنا ساي كەلەتىن مانەجدە جەڭىل اتلەتيكا سپورتىنىڭ بارلىق تۇرلەرىمەن اينالىسىۋعا, جارىستار وتكىزۋگە بولادى. جابىق فۋتبول الاڭىندا شاعىن فۋتبولعا ارنالعان وليمپيادالىق رەزەرۆ دايىنداۋ ورتالىعى ورنالاسادى.
- جەڭىل اتلەتيكا مانەجى, وليمپيادالىق دايىندىق ورتالىعىنىڭ قۇجاتتارى جەلتوقسان ايىنىڭ ورتاسىنا قاراي, ال فۋتبول مانەجىنىڭ قۇجاتتارى كەلەسى جىلدىڭ قاڭتار ايىندا ساراپتاماعا بەرىلەدى, - دەيدى سەرىكتەستىك ديرەكتورى ءالىمجان ىسمايىلوۆ.
جوبالىق-سمەتالىق قۇجاتتاما مەملەكەتتىك ساراپتامادان وتكەن كەيىن تاراپتار ءوزارا كەلىسىمشارت جاسايدى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ