قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترىنىڭ حاتتامالىق تاپسىرماسىن ورىنداۋ ماقساتىندا ەڭبەك, الەۋمەتتىك قورعاۋ جانە كوشى-قون كوميتەتىنىڭ ماڭعىستاۋ وبلىسى بويىنشا دەپارتامەنتىنىڭ, جۇمىسپەن قامتۋ ورتالىعى مەن جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى, وبلىستىق ەڭبەك باسقارماسى, «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق, «مەملەكەتتىك الەۋمەتتىك ساقتاندىرۋ قورى» اق, «بىرىڭعاي جيناقتاۋشى زەينەتاقى قورى» اق جانە دەنساۋلىق ساقتاۋ باسقارماسىنىڭ ماماندارى «الەۋمەتتىك ەكسپرەسس» ءموبيلدى قىزمەتى» جوباسى اياسىندا قاراقيا, تۇپقاراعان, ماڭعىستاۋ اۋداندارى مەن جاڭاوزەن قالاسىنا قاراستى ەلدى مەكەن تۇرعىندارىمەن كەزدەسۋلەر وتكىزدى.
اتاپ ايتقاندا, قاراقيا اۋدانىنىڭ قۇرىق, جەتىباي, مۇنايشى اۋىلدارى, بەينەۋ اۋدانىنىڭ اقجىگىت, تۇرىش, سىڭعىرلاۋ, نوعايتى, سارعا, بەينەۋ اۋىلدارى, تۇپقاراعان اۋدانىنىڭ قىزىلوزەن, باۋتينو, تاۋشىق اۋىلدارى, ماڭعىستاۋ اۋدانىنىڭ اقشىمىراۋ, قىزان, تۇششىقۇدىق, شەبىر, جارمىش اۋىلدارى جانە جاڭاوزەن قالاسىنا قاراستى راحات, قىزىلساي, تەڭگە اۋىلدارىندا الەۋمەتتىك قامسىزداندىرۋ سالاسىن جاڭعىرتۋ, بولىپ جاتقان جانە الداعى ۋاقىتتا كۇتىلەتىن وزگەرىستەر, ىسكە اسىرىلىپ جاتقان «ورلەۋ» باعدارلاماسىن حالىق اراسىندا كەڭىنەن ناسيحاتتاۋ بويىنشا تۇسىنىك جۇمىستارى جۇرگىزىلدى.
«الەۋمەتتىك ەكسپرەسس» ءموبيلدى قىزمەتى جوباسى شەڭبەرىندە جالپى 21 ەلدى مەكەندە 21 كەزدەسۋ وتكىزىلىپ, وعان بارلىعى 1010 ادام قاتىستى. وسى كەزدەسۋلەردە تۇرعىندار تاراپىنان 135 سۇراق قويىلىپ, ماماندار تاراپىنان سۇراقتارعا جاۋاپ بەرىلدى.
اتاپ ايتقاندا, زەينەتاقىمەن قامسىزداندىرۋ سالاسى بويىنشا – 33, «ورلەۋ» باعدارلاماسىنا قاتىستى – 23, مۇگەدەكتەردى الەۋمەتتىك قورعاۋ سالاسىنا بايلانىستى – 16, جۇمىسپەن قامتۋ ماسەلەسى بويىنشا – 14, ءارتۇرلى باعىتتاعى سۇراقتار سانى – 49 .
وسى «الەۋمەتتىك ەكسپرەسس» ءموبيلدى توبىنىڭ تۇسىنىك جۇمىستارىن جۇرگىزۋى ناتيجەسىندە 13 ازاماتتىڭ «ورلەۋ» باعدارلاماسىنىڭ تالاپتارىنا سايكەس كەلەتىندىگى انىقتالىپ, باعدارلاماعا قاتىسۋعا, سونىمەن قاتار, جۇمىستان قىسقارتۋعا ۇشىراعان ازاماتتار جۇمىس تابىسىنان ايىرىلۋ جاعدايى بويىنشا جاردەماقىعا قۇجات تاپسىرۋعا مۇمكىندىك الدى. زەينەتاقى جانە جاردەماقىعا قاتىستى سۇراقتارى بويىنشا مەملەكەتتىك مەكەمەگە كەلىپ اقپارات الۋشىلار سانى اناعۇرلىم ازايدى, دەيدى ەڭبەك,الەۋمەتتىك قورعاۋ جانە كوشى-قون كوميتەتىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى ارمان ەلدەسوۆ.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى