قۋات بوراش قر مسم تىلدەردى دامىتۋ جانە قوعامدىق ساياسي جۇمىس كوميتەتىنىڭ توراعاسى بولىپ تاعايىندالدى, دەپ حابارلايدى قر پرەمەر-ءمينيسترىنىڭ رەسمي سايتى.
قۋات بوراش 1972 جىلى جامبىل وبلىسىندا دۇنيەگە كەلگەن. 1994 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن جۋرناليست ماماندىعى بويىنشا تامامداعان.
ەڭبەك جولىن 1989 جىلى باستاعان. 1994-2005 جىلدارى «قازاقستان» مەملەكەتتىك تەلەراديو حابار تاراتۋ كومپانياسى, «قازاقستان تەلەديدارى مەن راديوسى» رەسپۋبليكالىق كورپوراتسياسى, «رايحان-تۆ» تەلەكومپانياسى, «تاراز-تۆ» تەلەارناسى, «جامبىل وبلىستىق تەلەراديو كومپانياسى» جاق, «ەگەمەن قازاقستان» رەسپۋبليكالىق گازەتى قاتارلى ءتۇرلى مەديا سالاسىنداعى ۇيىمداردا جۇمىس ىستەگەن.
2005-2006 جىلدارى «قر پرەزيدەنتى ترك» كەاق ءبولىم مەڭگەرۋشىسى بولعان, قر پرەزيدەنتىنىڭ ءباسپاسوز قىزمەتىندە ەڭبەك ەتكەن.
2007-2012 جىلدارى قر پرەزيدەنت اكىمشىلىگىنىڭ الەۋمەتتىك-ساياسي بولىمشەسىنىڭ باس ساراپشىسى; قر پرەزيدەنتى اكىمشىلىگىنىڭ ىشكى ساياسات ءبولىمىنىڭ سەكتور مەڭگەرۋشىسى رەتىندە قىزمەت اتقارعان.
2012 جىلى قر مادەنيەت جانە اقپارات مينيسترلىگىنىڭ اقپارات جانە مۇراعات كوميتەتى توراعاسىنىڭ ورىنباسارى بولىپ تاعايىندالعان.
2013-2017 جىلدارى قر مەملەكەتتىك حاتشىسى حاتشىلىعى مەڭگەرۋشىسىنىڭ ورىنباسارى لاۋازىمىن اتقارعان.
2017 جىلدىڭ ماۋسىم ايىنان باستاپ قازىرگى تاڭعا دەيىن «ەگەمەن قازاقستان» رەسپۋبليكالىق گازەتىنىڭ باس رەداكتورى قىزمەتىن اتقارعان.