اقمولا وبلىسىنىڭ تاۋار وندىرۋشىلەرى 224 توننا اۋىلشارۋاشىلىق ونىمدەرىن حالىققا ۇسىنادى, دەپ حابارلايدى استانا قالاسى اكىمدىگىنىڭ مەديا ورتالىعى.
25-26 قاراشا كۇندەرى «حان شاتىر» وسو ماڭىنداعى الاڭدا (تۇران-د.قوناەۆ قيىلىسى) اقمولا وبلىسىنىڭ اۋىلشارۋاشىلىق جارمەڭكەسى وتەدى.
اقمولا وبلىسىنىڭ 17 اۋدانى مەن 2 قالاسىنان كەلەتىن تاۋار وندىرۋشىلەر 146,2 ملن تەڭگەنىڭ 224 توننا ءونىمىن جەتكىزەدى: 68,5 توننا ەت جانە ەت ونىمدەرى, 6,6 توننا بالىق, 361,7 مىڭ جۇمىرتقا, 33,0 توننا ءسۇت ونىمدەرى, 27,7 توننا كوكونىس, 15,5 توننا سۇيىق ماي, 22,5 توننا كارتوپ, 27 توننا ۇن.
جالپى, جارمەڭكەدە نارىقتىق باعادان تومەندەتىلگەن باعامەن 43 تاۋار ءتۇرى ساۋداعا قويىلادى.
ايتا كەتەيىك, 2017 جىلدىڭ ناۋرىز ايىنان بۇگىنگە دەيىن استانادا 64 ايماقتىق اۋىلشارۋاشىلىق جارمەڭكەسى وتكىزىلىپ, وندا 27 440 مىڭ توننا ءونىم ساتىلدى. قالا اكىمدىگى اتالعان جارمەڭكەنى قاراشا ايىنىڭ سوڭىنا دەيىن وتكىزۋدى كوزدەپ وتىر.