قارۋلى كۇشتەردەگى جاڭا جوبالار

­ بيىلعى جىل دا قازاقستان قارۋلى كۇشتەرى ءۇشىن مە­رەي­لى بولدى دەپ ايتۋعا تو­لىق نەگىز بار. جىل باسىنان­ بەرى قازاقستان اسكەرىنىڭ قا­تى­سۋىمەن وتكەن ءىرىلى-ۇساق­تى وقۋ-جاتتىعۋلاردىڭ الە­ۋە­تى­مىزدى ايقىنداپ بەر­گە­نى ءسوزسىز. ءبىر مەزەتتە بەس مەملەكەتتىڭ اۋماعىندا وتكى­زىلگەن حالىقارالىق ارميا ويىن­دارىندا دا جۇلدىزىمىز جانىپ, جۇلدەلى ورىنعا كو­تەرىلۋىمىز, الدىمەن قارۋلى كۇش­تەردىڭ قاۋقارىنىڭ قاي دەڭگەيدە ەكەنىن دالەلدەسە كەرەك. بۇل سايدىڭ تاسىنداي سايىپقىراندارىمىزدىڭ توك­كەن تەرى مەن جانقيارلىق ەڭ­بەگىنىڭ ناتيجەسى. باعزى زاماننىڭ ءباھادۇر جىراۋ­لارىنشا قايىرساق, ء«تۇن قا­تىپ ءجۇرىپ, ءتۇس قاشپاي» جاۋىنگەرلىك كەزەكشىلىك اتقا­راتىن ء«ار ساردار مەن سارباز ءبىز­دىڭ جالعىزىمىز!».

قارۋلى كۇشتەر ءۇشىن دە جىل­جابار شاقتا وتكەن كەزەڭدە اتقارىلعان ءىس-شارالاردى ساراپتاپ, تالداۋ جاساۋ زاڭدىلىق. اڭگىمەمىزدىڭ باسىندا ەرەكشە ءبولىپ ايتقان جاۋىنگەرلىك دايارلىق, وعان قوسا اسكەري ءتار­تىپ, اسكەريلەردىڭ الەۋمەتتىك قام­تاماسىز ەتىلۋ ماسەلەلەرى كۇن تارتىبىنەن ەشقاشان تۇس­كەن ەمەس. قالام ۇستاعان ارىپ­تەس­تەرىمىز دە اسكەردىڭ تىنىس-تىر­شىلىگى مەن ونداعى جىلت ەتكەن جا­ڭالىقتاردى جارىسا جازىپ كەلەدى. ءبىز وسى جىل بويى اتقارىلعان ءىس-شارالاردىڭ ىشىنەن ەلدى ەلەڭ ەتكىزەرلىك جاڭا­لىق بولعان بىرەر تاقى­رىپ­قا عانا توقتالماقپىز.

جاستار – قوعامنىڭ كۇرە­تامىرى. قازىرگى تاڭدا جاس ۇرپاقتى قازاقستاندىق پاتريو­تيزم رۋحىندا تاربيەلەۋ, ولار­دىڭ اراسىندا اسكەري-قول­دانبالى سپورت تۇرلەرىن دارىپ­تەۋ, سپورتقا باۋلۋ ءھام سالاماتتى ءومىر سالتىن ناسيحاتتاۋ قارۋلى كۇشتەردىڭ باستى ۇستانىمىنا اينالىپ وتىر.

قورعانىس مينيسترلىگىنىڭ رەسمي مالىمەتىنە سۇيەنسەك, سوڭ­عى جىلدارى ەلىمىزدەگى اسكەري-پاتريوتتىق كلۋب­تار­دىڭ سانى 13 ەسەگە كوبەي­سە, ­وقۋشىلاردى اسكەري-پات­­ريوت­­تىق شارالارعا تارتۋ­ 70 پايىزعا دەيىن ارتقان. وسى­دان-اق, جاستاردىڭ بوس ۋا­قىتتارىندا ءبىلىم الىپ, اسكەري ءىستى مەڭگەرگىسى كەلەتىنىن وڭاي اڭ­عارۋعا بولادى.

سونىمەن قاتار بۇل قور­عا­نىس ۆەدومستۆوسى باسشى­لى­عىنىڭ بولاشاق ەل قورعان­دارىنا تاربيە بەرۋ ساياساتىن تۇبەگەيلى وزگەرتكەندىگىن بىل­د­ىرەدى. قارۋلى كۇشتەردىڭ مۇرىندىق بولۋىمەن وسكە­لەڭ ۇرپاققا اسكەري-پاتريوت­تىق تاربيە بەرۋ باعىتىندا اتقارىلىپ جاتقان جۇمىستار­دىڭ اۋقىمى جىل وتكەن سايىن ۇلعايىپ, ساپاسى ارتىپ كەلەدى. ونىڭ جارقىن مىسالى رەتىندە جىل سايىن ماۋسىم ايىندا «استانا» وڭىرلىك قولباسشىلىعىنىڭ «سپاسسك» وقۋ-جاتتىعۋ ورتالىعىندا وتە­­­تىن مەملەكەتتىك دەڭگەيدەگى «ايبىن» اسكەري-پاتريوتتىق جاستار جيىنىن ايتۋعا بولادى.

بيىل تۇڭعىش رەت حالىقارالىق دەڭگەيدە وتكىزىلگەن جاس پاتريوتتار جيىنى قازاقستان قارۋلى كۇشتەرىنىڭ الەم الدىنداعى مارتەبەسىن تاعى ءبىر ءوسىرىپ تاستاعانى ءسوزسىز. باستىسى, ماڭگىلىك ەلگە تىرەك بولار ۇلى دالانىڭ بولاشاق ساردارلارى مەن ساربازدارىنا لايىقتى تاربيە بەرىپ جاتقانىمىز قۋانتادى. ۇلى مۇرات جولىنداعى يگى شارالار وسىنداي بولسا كەرەك.

قازاق حالقى ءۇشىن قالام مەن قارۋ قاشاندا قا­ناتتاس ۇعىمدار. باستاۋىن جاۋىن­گەرلىك جىراۋلار پوەزياسىنان الىپ, التىن ارقاۋى باۋىر­جان مومىش ۇلىنا دەيىن ۇلاس­قان اسكەري تاقىرىپ ءححى عاسىر­دا دا جالعاسىن تاۋىپ­ كەلەدى. بيىل قازاقستان قارۋ­لى كۇشتەرى ءوزىنىڭ شيرەك عاسىر تاريحىندا تۇڭعىش رەت رەس­پۋبليكالىق دەڭگەيدەگى ءباس­پاسوز فەستيۆالىن جاريالاپ, جۋر­ناليستەردى ءدۇبىرلى دوداعا شاقىردى.

«اسكەر مەديا – 2017» دەپ اتا­لاتىن بۇل بايقاۋ شىن ما­نىن­دە وتان قورعاۋشىلاردىڭ اشىقتىعىن, ولاردىڭ جۇمى­سىنىڭ بۇقارالىق اقپارات قۇرال­دارى وكىلدەرىمەن ءوزارا ۇيلە­سىم تاۋىپ جاتقانىن دا­لەل­دەي الدى دەۋگە تولىق نە­گىز بار. اتالعان فەستيۆال ەلى­مىزدىڭ مەديا-ورتاسىندا اي­تارلىقتاي بەدەلگە يە بولدى دە­سەك ارتىق ايتقاندىق ەمەس. فەستيۆال اياسىندا بۇقارالىق اقپارات قۇرالدارىندا قارۋلى كۇشتەردىڭ قىزمەتى, ونداعى اسكەري قىزمەتشىلەردىڭ ازامات­تىق كەلبەتى بىلىكتى ءارى دايەكتى تۇردە جاريالاندى. بۇل باستاما, سونىمەن بىرگە قوعامنىڭ ءتول اسكەرى تۋرالى جاعىمدى كوزقاراسىن قالىپتاستىرۋعا دا وڭ اسەر ەتكەنى ءسوزسىز. نەگىزىنەن, اتالعان جوبا وسىنداي باس­تى ەرەكشەلىكتەرى ارقىلى ءوز ۇدەسىنەن شىعا بىلگەنىن ءبولىپ ايتۋ كەرەك.

سونىمەن, بايقاۋعا ەلىمىز­دىڭ تۇكپىر-تۇكپىرىنەن 9 اتالىم بويىنشا 200-گە جۋىق اۆتور ءوتىنىم بەرسە, كەلىپ تۇسكەن ماتە­ريالداردىڭ سانى 300-گە جۋىقتاعان. ءباسپاسوز بەن تەلەۆيزيا سالاسىنىڭ مايىن ىشكەن كىلەڭ «سەن تۇر, مەن اتايىن» مىقتىلاردان قۇرالعان قازىلار القاسى وسى ءوتىنىم بەرۋ­شىلەردىڭ اراسىنان 50 اۆتور­دىڭ جۇمىسىن اقتىق سىنعا لايىق دەپ ءبولىپ الىپ شىق­قان بولاتىن. توپجارعانى – 9.

وسى جەردە اسكەري ورتا مەن جالپى قوعامنىڭ ايتارلىقتاي قىزى­عۋشىلىعىن تۋدىرعان بۇل جوبانى بولاشاقتا حا­لىق­ارالىق دەڭگەيدە ۇيىم­داستىرساق قالاي بولار ەكەن دەگەن دە ۇسىنىستاردىڭ بولعا­نىن ايتا كەتكەن ءجون. نەسى بار, ەلدىڭ اتىن شىعارار ەر­لەر باردا كەز كەلگەن بايراق­تى باسەكەدە اتىمىز وزارى ايان عوي.

حالىقارالىق قو­عام­داستىقتى قازاقستان رەس­پۋبليكاسى قارۋلى كۇشتە­رى­نىڭ جەتىستىكتەرى تۋرالى ناق­تى ءارى شىنايى دەرەكتەرمەن اقپاراتتاندىرۋعا لايىقتى ۇلەسىمىزدى قوسىپ جاتساق, ول­ قۇپتارلىق ءىس. ءارى ونداي اۋقىم­دى شارانى قورعانىس مينيسترلىگىنە قاراستى اقپا­رات جانە كوممۋنيكاتسيالار دە­پا­رتامەنتىنىڭ كرەاتيۆتى باس­شىلارى جوعارى دەڭگەيدە ۇيىمداستىرىپ, وتكىزەرى داۋ­سىز.

سونىمەن قاتار, بيىلعى قاراشا ايىنىڭ العاشقى ونكۇندىگى قارۋلى كۇشتەر ءۇشىن قاربالاسقا تولى بول­دى­. استانادا جوعارىدا ءسوز بولعان «اسكەر مەديا» فەس­تي­ۆالىنىڭ قورىتىندىسى شى­عارىلدى. كومانديرلەر مەن ولاردىڭ تاربيە جانە يدەو­لوگيالىق جۇمىستار جونىندەگى ورىنباسارلارى قورعانىس مينيسترلىگىنىڭ اسكەري القا وتىرىسىندا باس قوستى. وعان ولارمەن وتكىزىلگەن وقۋ-­ادىستەمەلىك جيىنداردى قو­سىڭىز.

قارۋلى كۇشتەردىڭ ۇلت­تىق اسكەري پا­تريوت­تىق­ ورتالى­عىندا قا­زاق­ستان رەسپۋبليكاسى قا­رۋ­لى كۇشتەرى باس شتابى باس­تى­عىنىڭ ورىنباسارى گەنەرال-مايور مۇحامەدجان تالا­سوۆتىڭ جەتەكشىلىك ەتۋىمەن اس­كەري قىزمەتشىلەردىڭ وتباسى مۇشەلەرىمەن جۇمىستىڭ ۇيىم­داستىرىلۋى بويىنشا جيىن وتكىزىلدى. بۇل ءبىر قاراعاندا كوپ جيىنداردىڭ ءبىرى سياقتى كورىنگەنىمەن, نەگىزىنەن بۇنى قارۋلى كۇشتەردەگى جاڭا باس­­تاما دەسە بولادى. «وتان وتبا­سىنان باستالادى» دەگەن قاعيداعا سۇيەنسەك, بۇل ينس­تيتۋتتىڭ بەرەرى كوپ بولماق.

قازاقستان رەسپۋبليكاسى قورعانىس ءمينيسترىنىڭ بۇي­رىعى نەگىزىندە 2017 جىلى اس­كەري قىزمەتشىلەردىڭ وتبا­سىلارىندا مورالدىق-پسي­حولوگيالىق كليماتتى نى­عاي­تۋ, ولاردىڭ رۋحاني-ادام­­­گەرشىلىك جانە مادەني-تۇر­مىستىق قاجەتتىلىكتەرىن قا­ناعاتتاندىرۋ ماقساتىندا قارۋلى كۇشتەردىڭ اسكەري بو­لىمدەرى مەن مەكەمەلەرىندە اسكەري قىزمەتشىلەردىڭ وتباسى مۇشەلەرىمەن جۇمىستىڭ ۇيىمداستىرىلۋى بويىنشا قىزمەتتەر قۇرىلعان بولاتىن.

جاڭا جوبانىڭ اسكەرىمىزدىڭ جاۋىنگەرلىك قابىلەتىن نىعاي­تۋعا قوسار ۇلەسى كەلەر كۇننىڭ ەنشىسىندە. تەك, جاڭا جوباعا جاناشىرلىق تانىتساق بول­عانى.

مۇحاربەك ماحامبەت, پودپولكوۆنيك