استانادا ەت باعاسىن تۇراقتاندىرۋ ماقساتىندا ءىرى تاۋار وندىرۋشىلەرىمەن كوممۋنالدىق بازارعا سيىر ەتىن بەكىتىلگەن باعامەن تىكەلەي جەتكىزۋ بويىنشا كەلىسىم شارتتار جاسالدى. سوندىقتان سوعىم ماۋسىمىندا سيىر ەتىنىڭ باعاسى 1 350 تەڭگەدەن اسپايدى. بۇل تۋرالى قالالىق اۋىلشارۋاشىلىق باسقارماسى ءمالىم ەتتى.
«اتالعان كەلىسىم شارتتار شەڭبەرىندە سيىر ەتىنىڭ الدىڭعى جاۋىرىن بولىگىن ساتىپ الۋ باعاسىن (1300تگ/كگ) جانە بولشەك ساتۋ باعاسىن (1350تگ/كگ) بەلگىلەۋگە مۇمكىندىك بەردى. سونىمەن بىرگە, اقمولا وبلىسىنىڭ تسەلينوگراد اۋدانى وندىرۋشىلەرىنىڭ قاتىسۋىمەن اۋىلشارۋاشىلىق جارمەڭكە ۇيىمداستىرىلدى. وندا سيىر ەتىنىڭ باعاسىن 1300تگ/كگ بەكىتىلگەن», دەلىنگەن اۋىلشارۋاشىلىق باسقارماسى تاراتقان اقپاراتتىق حابارلامادا.
ايتا كەتەيىك, ەلوردادا ازىق-ت ۇلىك باعاسىن تۇراقتاندىرۋعا ونىڭ ىشىندە ەت باعاسىن رەتتەۋگە قالادا اپتا سايىن وتكىزىلىپ جاتقان اۋىلشارۋاشىلىق جارمەڭكەلەرى سەپتىگىن تيگىزىپ جاتىر. اعىمداعى جىلدىڭ ناۋرىز ايىنان بۇگىنگە دەيىن استانادا 64 ايماقتىق اۋىلشارۋاشىلىق جارمەڭكەسى وتكىزىلىپ, وندا 27 440 مىڭ توننا ءونىم ساتىلدى. قالا اكىمدىگى اتالعان جارمەڭكەنى قاراشا ايىنىڭ سوڭىنا دەيىن وتكىزۋدى كوزدەپ وتىر