ءححى عاسىر – رۋحانيات, مادەنيەت ءھام اقپارات عاسىرى.
كىتاپقا استە قاستەرلى دەپ قارايمىن, كىتاپ – كوزى, اقىل-ويدىڭ, ارايدىڭ. بولماسا ەگەر ىشىندە ءبىر كىتابى, قۇنى قانشا التىنداعان سارايدىڭ؟ شىن مانىندە دۇنيەدە كىتاپ پەن كىتاپحانا بولماسا, ادامدار رۋحاني ءبىلىمىن ۇنەمى جەتىلدىرىپ وتىرماسا, مىنا ومىردە توعىشارلىق ورناپ, ادامزاتتىڭ ساۋاتسىزدانۋى, ادامي قۇلدىراۋى باستالعان بولار ەدى. ويتكەنى كىتاپحانا – ماڭگىلىك پاراساتتىڭ كيەلى عيماراتى بولسا, كىتاپحاناشى سول عيماراتتاعى رۋحاني قازىنانىڭ شىراقشىسى ءارى اقىل-وي الەمىنە جول سىلتەۋشى ىسپەتتى.
ءححى عاسىر – رۋحانيات, مادەنيەت ءھام اقپارات عاسىرى. قاي قوعامنىڭ دا تۇراقتى دامۋىندا مادەنيەتتىڭ الار ورنى زور ەكەنىن العا تارتساق, رۋحاني تىنىسىمىزدىڭ وزەكتى ماسەلەلەرىنىڭ ءبىرى – كىتاپحانا. سوندىقتان ءبىزدىڭ ماقساتىمىز وقۋشىلاردىڭ كىتاپقا دەگەن تىلەگى مەن سۇرانىسىن قاناعاتتاندىرۋدى كۇننەن-كۇنگە جاقسارتا بەرۋ بولماق. جاس ۇرپاقتى تاربيەلەۋدە كىتاپحانانىڭ ورنى ەرەكشە. بۇگىنگى شاكىرتتەر ەرتەڭگى ەل تۇتقاسى. بولاشاق مامانداردىڭ زامان تالابىنا ساي تۇلعا بولىپ قالىپتاسۋىنا قاجەتتى رەسۋرستى كىتاپحانادان تاباسىز. قازىرگى زاماناۋي تەحنولوگيالاردىڭ قارىشتاپ دامىعان زامانىندا كىتاپحانانىڭ نازاردان تىس قالماي, ءاردايىم وقىرمانعا ءمىنسىز قىزمەت ەتۋى, كىتاپقا, مەرزىمدى باسىلىمدارعا قىزىعۋشىلىعىن ارتتىرۋى, الەم ادەبيەتى مەن مادەنيەتىن ناسيحاتتاۋى, وتانىمىزدىڭ تاريحىن, مادەني مۇراسىن, سالت-ءداستۇرىن, زيالىلارىنىڭ ءومىرى مەن شىعارماشىلىعىمەن تانىستىرۋى جانە ءبىلىم مەن تاربيەنىڭ ساپالى بولۋى ءبىرىنشى كەزەكتە تۇرعانى انىق.
ءجاسوسپىرىمنىڭ كىتاپقا دەگەن قۇرمەتى مەن سۇيىسپەنشىلىگىن قالىپتاستىرۋ – كىتاپحاناشىنىڭ نەگىزگى مىندەتى. مەكتەپ كىتاپحاناسىندا وسى باعىتتا ءبىرشاما جۇمىس اتقارىلىپ كەلەدى. كىتاپتار, مەرزىمدى ءباسپاسوز ماقالالارىنىڭ كارتوتەكاسى ەنگىزىلىپ, وقىتۋشىلار مەن وقۋشىلار كارتوتەكانى ءتيىمدى پايدالانا باستادى. ء«بىر ەل – ءبىر كىتاپ» اتتى اكتسيا اياسىندا قازاقتىڭ اقيىقتارى سۇلتانماحمۇت تورايعىروۆ, مۇحتار اۋەزوۆ, ماعجان جۇماباەۆتارعا ارنالعان ادەبي-سازدى كەشتەر ءوتتى. ينتەراكتيۆتى تاقتانى پايدالانىپ وتكىزگەن ء«سوز مارجانى» سايىسى وقۋشىلاردىڭ ءتىل بايلىعىن دامىتۋعا, سوزدىك قورىن پايدالانا بىلۋگە, ءوزىن كوپشىلىك الدىندا ۇستاۋعا, سويلەۋ مادەنيەتىنە ۇيرەتەدى. وقۋشىلار ءتۇرلى ءىس-شارالارعا كومەك كورسەتىپ, كىتاپحانالىق بيۋللەتەن شىعارۋعا, كىتاپتاردى وڭدەۋگە قاتىسادى.
جالپى, جاس ۇرپاقتىڭ بويىندا پاتريوتتىق, ادىلدىك, باۋىرمالدىق قاسيەتتەردى قالىپتاستىرۋدا كىتاپحانانىڭ ماڭىزى وتە زور. وقۋشىلاردى تاربيەلەۋ كىتاپحانا بوساعاسىن اتتاعاننان باستالادى. سونىمەن قوسا كىتاپحانانىڭ ىشكى بەزەندىرىلۋى تالاپ پەن تالعامعا ساي بول-ۋىن قامتاماسىز ەتىپ, وقۋشى كىتاپحانا بولمەسىنە كىرگەندە مادەني ورتالىق ەكەنىن سەزىنۋىنە باسا ءمان بەرەمىز. كىتاپحاناعا ءجيى كەلىپ تۇراتىن وقۋشىلارمەن پىكىرلەسە وتىرىپ, ولاردىڭ باسقا بالالارعا قاراعاندا ەرەكشەلىگى بار ەكەنىن بايقاي باستايسىز. وقۋشىلار ءتۇرلى شارالارعا بەلسەنە قاتىسىپ, وزدەرىنىڭ قازاق ءتىلى مەن ادەبيەتى, تاريح, كىتاپحانا ءىسى جانە بيبليوگرافيادان بىلىمدەرىن كورسەتەدى. وسى ارقىلى ولاردى كىتاپقۇمارلىققا, ساۋاتتىلىققا, دۇنيەتانىمىن كەڭەيتۋگە, سوزدىك قورىن مولايتۋعا باۋليمىز.
بۇگىنگى ماقسات – دامىعان ەلدەرمەن تەرەزە تەڭەستىرۋ. بۇل ءتول تاريحىمىز بەن ادەبيەتىمىز ارقىلى جەمىستى بولا بەرمەك. سول سەبەپتى وقۋدان قول ۇزبەيتىن وقىرمانداردى كوبەيتىپ, وقۋ-تاربيە جۇمىسى وڭ بولۋىنا ۇزدىكسىز ەڭبەك ەتەمىز. جاڭالىققا جانى قۇمار ءجاسوسپىرىم بويىنا اقپارات ايدىنىندا اداستىرمايتىن اقپاراتتىق مادەنيەتتى ءسىڭىرۋ ءۇشىن اينالاسىنا ارنايى داعدى, ماشىق ءدانىن سەبەتىن اقپاراتتىق ورتانى قۇراتىن مەكتەپ كىتاپحاناسى ەكەنىن ەستەن شىعارماۋ كەرەك.
كىتاپ وقۋ – ونەر, رۋحاني جاڭعىرۋ كەپىلى. كىتاپسىز ەشكىمنىڭ دە العا باسا الماسىن كورىپ وتىرمىز. وقىرماندى زەرتتەۋ, وقىرماندار تالابىمەن ساناسۋ – ءبىزدىڭ جۇمىسىمىزدىڭ نەگىزگى باعىتتارىنىڭ ءبىرى. كىتاپ ەل مەن ەلدى جاقىنداستىرار, تۇسىنىككە باستار رۋحاني دۇنيەگە نەگىز قالايدى. اقپارات پەن ءبىلىم كىتاپ الەمىندەگى شەگى جوق ۇلى كوش دەۋگە بولادى. ۇستازدار مەن وقۋشىلاردىڭ ساپالى ءبىلىم الۋىنىڭ كەپىلى رەتىندە ءبىلىم مەن اقپاراتتى بەرۋ جانە ىزدەستىرۋمەن قامتاماسىز ەتۋ, رۋحاني بايىتۋ – كىتاپحانانىڭ ءتول ءىسى. بۇگىندە مەكتەپ كىتاپحاناسى ءبىلىم وشاعىنىڭ وركەندەۋى مەن قالىپتاسۋى جانە بالالار مەن جاسوسپىرىمدەرگە تاربيە بەرۋىندە ۇلكەن دەمەۋ بولىپ كەلەدى. كىتاپ سانانى نۇرعا بولەيدى. سوندىقتان كىتاپقا قىزىقتىرۋ – كەڭ دۇنيەتانىمعا قىزىقتىرۋ.
كىتاپحاناداعى «مادەني مۇرا» باعدارلاماسى اياسىنداعى «جىلدىڭ ەڭ ۇزدىك كىتابى» سايىسى, رەسپۋبليكالىق ء«بىر ەل – ءبىر كىتاپ» اكتسياسى سياقتى كوپتەگەن شارالار وقۋشىلاردىڭ وقۋ, ويلاۋ, سويلەۋ مادەنيەتىن قالىپتاستىرۋدا زور ماڭىزعا يە. «رۋحاني جاڭعىرۋ» باعدارلاماسى بويىنشا سىنىپ جەتەكشىلەرى قالاداعى بىرقاتار مادەني ورتالىقتارمەن بىرلەسە جۇمىس جۇرگىزۋدە. قازىردىڭ وزىندە وقۋشىلاردىڭ كىتاپقا دەگەن كوزقاراسى وزگەرىپ كەلەدى.
راۋزا بۇلكەنوۆا, ق.بەكحوجين اتىنداعى №12 جالپى ءبىلىم بەرەتىن ورتا مەكتەپتىڭ كىتاپحاناشىسى
پاۆلودار