قورعانىس مينيسترلىگىندە داريعا نازارباەۆانىڭ توراعالىق ەتۋىمەن پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ كوشپەلى وتىرىسى ءوتتى, دەپ حابارلادى سەناتتىڭ ءباسپاسوز قىزمەتى.
كوشپەلى وتىرىس اياسىندا اسكەري دوكترينانى, قازاقستان رەسپۋبليكاسى قارۋلى كۇشتەرىنىڭ, باسقا دا اسكەري قۇرالىمدارىنىڭ قۇرىلىسى مەن دامۋ جوسپارى تۇجىرىمداماسىن جۇزەگە اسىرۋ ماسەلەلەرى تالقىلاندى.
شاراعا سەنات دەپۋتاتتارى, ەلىمىزدىڭ قورعانىس مينيسترلىگىنىڭ, ۇلتتىق قاۋىپسىزدىك كوميتەتى شەكارا قىزمەتىنىڭ, ءىىم ۇلتتىق ۇلاننىڭ باسشىلىعى قاتىستى.
كەزدەسۋدى اشقان د.نازارباەۆا ەلدىڭ قورعانىس قابىلەتىن جانە قاۋىپسىزدىگىن قامتاماسىز ەتۋ ماسەلەلەرىنىڭ ماڭىزدىلىعىن اتاپ ءوتتى. «قارۋلى كۇشتەر – ءبىزدىڭ حالقىمىزدىڭ تاۋەلسىزدىگىنە كەپىلدىك بەرەدى», دەدى سىرتقى قاۋىپتەردى بولدىرماۋ مەن جويۋدا ارميا ءرولىنىڭ ارتىپ كەلە جاتقانىن اتاپ وتكەن سەناتور.
وتىرىستا ەلىمىزدىڭ قارۋلى كۇشتەرى باس شتابى باستىعىنىڭ ءبىرىنشى ورىنباسارى, گەنەرال-مايور رۋسلان شپەكباەۆتىڭ اسكەري دوكترينا تۋرالى بايانداماسى تىڭدالدى. ول دوكترينادا كۇرەستىڭ «گيبريدتى» ادىستەرى, «اسكەري ەمەس قۇرالدار», «ىشكى قارۋلى قاقتىعىس» دەگەن ۇعىمدار مەن انىقتامالاردىڭ ءبىرىنشى رەت جاسالىپ قولدانىلعانىن, قر قارۋلى كۇشتەرىنىڭ, باسقا دا اسكەرلەر مەن اسكەري قۇرالىمداردى قولدانۋ, كيبەر قاۋىپسىزدىك شارالارىن كۇشەيتۋ, جالپى اسكەري قاۋىپسىزدىكتى قامتاماسىز ەتۋ جۇيەسىنە اۋماقتىق قورعانىستى ينتەگراتسيالاۋ, ماتەريالدىق-تەحنيكالىق قامتاماسىز ەتۋ جۇيەسىن دامىتۋ, قازاقستاننىڭ بەيبىتشىلىكتى قولداۋ شارالارىنا قاتىسۋىن كەڭەيتۋ, مەملەكەتتىڭ اسكەري ۇيىمداردى باسقارۋ جۇيەسىن دامىتۋ ءتارتىبى ناقتىلاندى دەپ اتاپ ءوتتى.
ء«بىزدىڭ بىرلەسكەن جان-جاقتى جۇمىسىمىز ارميانى قاجەتتى, زاماناۋي قارۋ-جاراقپەن, اسكەري تەحنيكامەن جاقىن ارادا جابدىقتاۋ ماسەلەلەرىن شەشۋگە مۇمكىندىك بەرەدى. ول ءۇشىن «قورعانىس تۋرالى» زاڭعا ءتيىستى تۇزەتۋلەر ەنگىزۋ قاجەت جانە بۇل مۇددەلى مەملەكەتتىك ورگاندارمەن جۇمىس جاساۋدى تالاپ ەتەدى», دەپ اتاپ ءوتتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى داريعا نازارباەۆا.