ەكسپو-نىڭ مۇراسى ءتيىمدى پايدالانىلادى

ءبىرىنشى كەزەكتە بايانداما جاساعان سىرتقى ىستەر ءمي­نيس­ترى ق.ءابدىراحمانوۆ ەكس­پو-2017 حالىقارالىق كور­مە­سى اياقتال­عاننان كەيىن ونىڭ ورنىن­داعى عيماراتتاردى ءتيىمدى پايدالانۋ جۇمىستارى باستالىپ كەتكەنىن اتاپ ءوتتى. 

«ەلباسى نۇرسۇلتان نازارباەۆ ەكسپو-2017 كورمەسىنىڭ جابىلۋ سالتاناتىندا «استانا» حالىقارالىق قارجى ورتالىعى, حالىقارالىق استانا حابى, جاسىل تەحنولوگيا ورتالىعى, IT-ستار­تاپتارعا ارنالعان الەمدىك الاڭ شەتەلدىك ارىپتەستەرىمىزدىڭ نازارىنا ۇسىنىلاتىنىن مالىم­دە­گەن بولاتىن. قازىرگى تاڭدا قا­زاق­ستانداعى جاۋاپتى مينيسترلىكتەر مەن ۇيىمدار ەكسپو-2017 شا­راسىنىڭ مۇراسىن ءتيىمدى جۇرگىزۋ جۇمىستارىنا كىرىسىپ كەتتى», دەدى ق.ءابدىراحمانوۆ. 

«استانا» حالىقارالىق قار­­جى ورتالىعىنىڭ باسشىسى ق.كە­­لىم­بەتوۆ مەكەمەنىڭ جۇمىس بارىسىن ءتۇسىندىرىپ, الداعى جوس­پار­لارى­مەن ءبولىستى. ونىڭ ايتۋىنشا, «استانا» حقو جۇمىسىن ۇي­لەس­تىرۋ مەملەكەت باسشىسى ن.نازارباەۆ انىقتاپ بەرگەن «100 ناق­­تى قادام» ۇلت جوسپارى ايا­سىن­­­دا جۇزەگە اسىرىلىپ جاتىر. ۇلت جوسپارىندا ايتىلعان بەس با­­­­­­عىت­­­تىڭ ۇشەۋىنىڭ تىكەلەي «اس­تانا» حقو جۇمىسىنا قاتىسى بار. 

«استانادا قۇرىلاتىن قار­جى­لىق ورتالىق اعىلشىنداردىڭ ورتاق قۇقىقتىق زاڭىنىڭ نەگىز­دەرى مەن ەرەجەلەرىنە باعىنادى. بيىلعى ناۋرىزدا كونستيتۋتسياعا ەنگىزىلگەن وزگەرىستەرگە سايكەس, استانادا قارجى سالاسىنا ارنال­عان ارنايى الاڭ قۇرىلماق. وسى­عان سايكەس, 2018 جىلعى 1 قاڭ­تار­دان باستاپ «استانا» قارجى ور­تا­لىعىنىڭ جۇمىسىن باستاپ كەتۋگە ءازىرمىز», دەدى ورتالىق باس­شىسى. 

ق.كەلىمبەتوۆتىڭ پايىمداۋىنشا, «استانا» حقو-نىڭ Nas­daq جانە شانحاي بيرجاسىمەن بىرلەسە جۇمىس ىستەۋى ورتالىقتىڭ ايماقتاعى بىرەگەي قارجى الا­ڭىنا اينالۋىنا مۇمكىندىك بەرەدى. سونداي-اق ق.كەلىمبەتوۆ ينۆەستيتسيالىق داۋلاردى شەشۋگە ارنالعان مەكەمە قۇرىلاتىنىن مالىمدەدى. ءوز كەزەگىندە, بۇل مەكەمە قازاقستانعا ينۆەستيتسيا سالعىسى كەلەتىندەر مەن ولار­دىڭ قۇقىعىن قورعاۋ ماسەلەسى تول­عاندىراتىندار ءۇشىن پايدالى.

سونىمەن قاتار ق.كەلىمبەتوۆ «استانا» حالىقارالىق قارجى ورتالىعىنىڭ جۇمىس باعدارىمەن ءبولىستى. ءبىرىنشى, كاپيتال نارىعىن دامىتۋ جوسپاردا بار. بۇعان قوسا, ەلدە جەكەشەلەندىرۋ جۇمىستارى ودان ءارى جالعاسا بەرەدى. كەلەسى جىلدان باستاپ «سامۇرىق-قازىنا» سەكىلدى ۇلتتىق كومپانيالار جەكەشەلەندىرۋ باعدار­لاماسىنا كىرىسەدى. جوسپار بويىنشا, بۇل شارالار كەلەر جىلدىڭ ەكىنشى جارتى- جىل­دى­عىندا «استانا» حقو ايا­سىن­­دا جۇزەگە اسا­دى. سونداي-اق ق.كەلىمبەتوۆ اكتيۆتەردى باس­قا­رۋ, يسلام بانكى جۇيەسى, قارجى­لىق تەحنولوگيالاردى دامىتۋ جوسپارعا ەنەتىنىن اتاپ ءوتتى. 

ەنەرگەتيكا ءمينيسترى ق.بو­زىمباەۆ ەكسپو-2017 مۇراسىن جاسىل تەحنولوگياعا اينالدىرۋ جونىندە اڭگىمەلەپ بەردى. ونىڭ ايتۋىنشا, ەۋروپا قايتا قۇرۋ جانە دامۋ بانكى (ەقدب) مەن ەنەر­گەتيكا مينيسترلىگى اراسىن­داعى كەلىسىمگە ساي قازاقستاندا بىرقاتار ماڭىزدى جوبالار جۇزەگە استى. 

«ەقدب تاياۋ جىلدارى قازاق­­ستانعا 200 ميلليون ەۋرو كولەمىندە ينۆەستيتسيا سالۋدى كوزدەپ وتىر. جاڭعىرمالى ەنەرگيا كوزدەرىن دامىتۋ جونىندە ەنەر­گەتيكا مينيسترلىگى مەن Eni International جانە General Electric كومپانيالارى اراسىندا مەموراندۋمعا قول قويىلدى. اتالعان قۇجاتقا ساي, ەلىمىزدە وزىق تەحنولوگيالاردى پايدالانا وتىرىپ, قۋاتى 50 مەگاۆاتت جەل ەلەكتر ستانساسىن سالۋعا مۇمك­ىندىك بار. ەقدب تاراپى مەن «Samuryk Kazyna-United Green» كومپانياسى قىزىلوردا وبلىسىندا قۋاتى 50 مەگاۆاتتى كۇن ەلەكتر ستانساسىن سالۋ جونىندە ءوزارا مانداتتىق حات الماستى. سونداي-اق قۋاتى 100 مەگاۆاتتىق «Astana Expo-2017» جەل پاركىن سالۋ تۋرالى «قازاقستان دامۋ بانكى», «تساتەك Green Energy» جانە «برك-ليزينگ» كومپانيالارى اراسىندا قارجىلاندىرۋعا نيەت بىلدىرگەن كەلىسىم جاسالدى», دەدى ق.بوزىمباەۆ. 

اقپارات جانە كوممۋنيكاتسيالار ءمينيسترى د.اباەۆ IT-ستارتاپتارعا ارنالعان Astana Hub حالىقارالىق تەحنولوگيالىق پارك قۇرۋ جونىندەگى ۇكىمەت جۇمىسىن تانىستىردى. ءمينيستردىڭ ايتۋىنشا, ستارتاپتىڭ ەكوجۇيەسىن دامىتۋ جانە قۇرۋ جونىندە, الەمنىڭ تۇكپىر-تۇكپىرىندەگى ستارتاپشىلاردى ەلىمىزگە تارتۋ ماقساتىندا قازاقستاندىق جۇمىس جوسپارى ازىرلەندى. 

«تەحنولوگيالىق پارك «اس­­تا­نا» حالىقارالىق قارجى ور­تا­لىعى ايماعىندا تىركەل­گەن­دىكتەن, كورپوراتيۆتى تابىس سالىعى مەن جەكە تابىس سالىعى بويىن­­شا جەڭىلدىكتەرگە يە بولادى. تەحنولوگيالىق پارككە ەكسپو-2017 اۋماعىنان 10 000 شارشى مەتر كولەمىندەگى پاۆيلون ءبولىندى. قازىرگى تاڭدا وندا جوندەۋ جۇمىستارى جۇرگىزىلىپ جاتىر», دەدى د.اباەۆ. 

تەحنولوگيالىق پاركتە جۇمىس ىستەيتىندەرگە بىرقاتار جەڭىل­دىكتەر قاراستىرىلعان. ما­سەلەن, ستارتاپ-توپتارعا ەكسپو-2017 اۋماعىنان جالدامالى تۇرعىن ۇيلەر ۇسىنىلادى. شەتەل­دىكتەرگە ارنالعان ۆيزا جۇيەسىن دە جەڭىلدەتۋ جوسپارلانىپ وتىر. سونىڭ ناتيجەسىندە, 46 ەل­دىڭ وكىلدەرى ءبىر اي كولەمىندە ەركىن ۆي­زالىق جۇيەنىڭ پايداسىن كورەدى. 

دوڭگەلەك ۇستەل سوڭىندا بۇۇ دامۋ باعدارلاماسى كەڭسەسىنىڭ وكىلدەرى مەن قازاقستانداعى شەت مەملەكەتتەردىڭ ەلشىلەرى وزدەرىن مازالاپ جۇرگەن سۇراقتارىنا لايىقتى جاۋاپتار الدى. 

اباي اسانكەلدى ۇلى, «ەگەمەن قازاقستان»