كۇنشىعىس ەلىنىڭ ەڭ ءىرى اقپاراتتىق اگەنتتىگى سانالاتىن «كيودونىڭ» كەنيچي ينۋما ەسىمدى ءتىلشىسى «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالىدەن قازاقستاننىڭ لاتىن الىپبيىنە كوشۋى جايلى سۇحبات الىپ, گازەت ومىرىمەن تانىستى.
جاپون جۋرناليسىنە رۋحاني جاڭعىرۋ, لاتىن الىپبيىنە كوشۋ جانە قازاقستانداعى ءباسپاسوزدىڭ جاعدايى جايىندا كەڭىرەك سۇحبات بەرىلدى. سونىمەن قاتار «كيودو» ءتىلشىسى «ەگەمەن قازاقستاننىڭ» عيماراتىن ارالاپ, گازەت جۇمىسىمەن جاقىن تانىستى.
«كيودو» – نەگىزى 1945 جىلى قالانعان جاپونيانىڭ ەڭ ءىرى اقپارات اگەنتتىگى. ساكۋرا ەلىنىڭ كوپتەگەن گازەتتەرى مەن تەلەارنالارى جاڭالىقتاردى وسى «كيودودان» الادى.
اگەنتتىكتە 1700 ادام جۇمىس ىستەپ, ەل ىشىندە – 52, شەتەلدە 43 بيۋروسى قىزمەت ەتەدى. «كيودو» اقپاراتتى جاپون, قىتاي, اعىلشىن تىلدەرىندە تاراتادى. جاپون تىلىندەگى نۇسقاسى كۇنىنە 28 000 مىڭ جول جاڭالىق جاريالايدى. بۇل – گازەتتىڭ 70-80 بەتىنە تەڭ ءماتىن.
دارحان ومىربەك,
«ەگەمەن قازاقستان»