ماسكەۋ مەملەكەتتىك ۋنيۆەرسيتەتى قىزىلوردالىق ماگيسترانتتار مەن دوكتورانتتارعا جىل سايىن 20 گرانت بولەتىن بولدى. بۇل تۋرالى قىزىلوردا وبلىسى ءباسپاسوز قىزمەتى حابارلادى.
2017 جىلدىڭ 10 قاراشاسىندا قىزىلوردا وبلىسىنىڭ اكىمى قىرىمبەك كوشەرباەۆ ماسكەۋ قالاسىنا جۇمىس ساپارى اياسىندا ماسكەۋ جانە سانكت-پەتەربۋرگ قالالارىنىڭ ۇزدىك جوعارى وقۋ ورىندارىندا ءبىلىم الىپ جاتقان قىزىلوردالىق ستۋدەنتتەرمەن كەزدەستى. باسقوسۋدا رەسەيدە وقىپ جۇرگەن ستۋدەنتتەردىڭ وقۋى مەن ولاردى بولاشاقتا جۇمىسپەن قامتۋ, ايماعىمىزدىڭ الەۋمەتتىك-ەكونوميكالىق, وندىرىستىك جانە مادەني دامۋىنىڭ پەرسپەكتيۆالارى سياقتى ماسەلەلەر تالقىلاندى. ك.كوشەرباەۆ ستۋدەنتتەرگە ەلباسىنىڭ قىزىلوردا وبلىسىنا قازان ايىنداعى جۇمىس ساپارى, ءوڭىردىڭ 2020 جىلعا دەيىنگى ينۆەستيتسيالىق ستراتەگياسى, «بايقوڭىر» كەشەنىنىڭ دامۋى, وبلىس اكىمدىگىنىڭ سيتۋاتسيالىق ورتالىعى جانە ت.ب. جاستاردى قىزىقتىرعان تاقىرىپتار بويىنشا ايتىپ بەردى.
وبلىس اكىمىنىڭ ايتۋىنشا ايماق بارلىق سالا بويىنشا قارقىندى دامىپ, جەتىسكتەرگە قول جەتكىزگەن. ماسەلەن, بيىل مەكتەپ بىرىتۋشىلەردىڭ 97 پايىزى جوعارى جانە ورتا ارناۋلى وقۋ ورىندارىنا ءتۇستى. ءوڭىر باسشىسى جەرگىلىكتى بيۋدجەتتىڭ ايتارلىقتاي ۇلەسى ءبىلىم بەرۋ سالاسىنا جۇمسالاتىنىن جەتكىزدى. ق.كوشەرباەۆ الەمدەگى تەحنولوگيالىق دامۋ تەندەنتسيالارىن ەسكەرە كەلە جاستار ءۇشىن تۋىنداپ وتىرعان زاماننىڭ جاڭا شاقىرتۋلارى مەن مۇمكىندىكتەرىن جانە ولاردىڭ ەكونوميكاعا جاسالاتىن ىقپالىن ايقىنداپ بەردى.
كەزدەسۋدەن كەيىن قىزىلوردا وبلىسىنىڭ اكىمدىگى رەسەي فەدەراتسياسىنداعى قازاقستان رەسپۋبليكاسى ەلشىلىگىنىڭ عيماراتىندا م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىمەن جانە باسقا دا الدىڭعى قاتارلى تەحنيكالىق جوعارى وقۋ ورىندارىمەن (ماسكەۋ ۇلتتىق تەحنولوگيالىق زەرتتەۋ ۋنيۆەرسيتەتى, ي.م. گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتى, ك.ا. تيميريازەۆ اتىنداعى ماسكەۋ اگرارلىق اكادەمياسى رەسەي مەملەكەتتىك اگرارلىق ۋنيۆەرسيتەتى جانە سانكت-پەتەربۋرگتەگى ونەركاسىپتىك تەحنولوگيالار مەن ديزاين مەملەكەتتىك ۋنيۆەرسيتەتى) مەموراندۋمعا قول قويىپ, كەلىسىم-شارت جاساستى.
ق.ە. كوشەرباەۆ قىزىلوردا وبلىسى رەسەيدەگى تەحنيكالىق جوو-مەن 2014 جىلى تىعىز ارىپتەستىك بايلانىس ورناتقانىن ايتتى. «رەسەيدىڭ جەتەكشى تەحنيكالىق جوعارى وقۋ ورىندارىمەن تىعىز ىنتىماقتاستىق پەن ءتيىمدى سەرىكتەستىكتىڭ ارقاسىندا وبلىس مەكتەپتەرىنىڭ 452 تۇلەگى ماسكەۋ مەن سانكت-پەتەربۋرگتىڭ الدىڭعى قاتارلى جوعارى وقۋ ورىندارىندا ءبىلىم الۋدا», - دەدى ايماق باسشىسى. سونداي-اق, وبلىس اكىمى مەموراندۋم اياسىندا 2018 جىلدان باستاپ م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتى فيزيكا-ماتەماتيكا جانە مەحانيكا-ماتەماتيكالىق ماماندىقتار بويىنشا سىربويىلىق جاستارعا ماگيستراتۋرادا وقۋ ءۇشىن 20 گرانت بولەتىنىن جەتكىزدى.
شاراعا م.ۆ.لومونوسوۆ اتىنداعى ممۋ رەكتورى ۆيكتور سادوۆنيچي جانە رەسەيلىك جەتەكشى تەحنيكالىق جوو باسشىلارى قاتىستى. ءوز سوزىندە اكادەميك ۆ. سادوۆنيچي چەليابينسك قالاسىندا (رف) ەكى ەل باسشىلارىنىڭ قاتىسۋىمەن وتكەن قازاقستان جانە رەسەي اراسىنداعى XIV وڭىرارالىق ىنتىماقتاستىق فورۋمىنىڭ ماڭىزدىلىعىنا توقتالىپ, قوس مەملەكەت اراسىنداعى دوستىق قارىم-قاتىناستى ساقتاي وتىرىپ, ءبىلىم مەن عىلىمدى سالاسىنداعى ارىپتەستتىكتى ءارى قاراي جالعاستىرۋ قاجەت ەكەنىن اتاپ ءوتتى.
ماسكەۋدىڭ ماڭدايالدى وقۋ ورىندارىمەن جاسالعان كەلىسىمدەر ايماقتىڭ قارقىندى دامۋىنا ايتارلىقتاي سەرپىن بەرىپ, وبلىستىڭ ينتەللەكتۋالدىق الەۋەتىنىڭ وسۋىنە, جاستاردىڭ ەلدى دامىتۋداعى ءرولىن ارتتىرىپ, جالپى قازاقستان مەن رەسەي اراسمىنداعى قارىم-قاتىناستىڭ ءارى قاراي نىعايۋىنا سەپتىگىن تيگىزەتىنى ءسوزسسىز.