«استانا ەكسپو-2017» ۇك» اق باسقارماسىنىڭ توراعاسى احمەتجان ەسىموۆ «ەكسپو-2017» حالىقارالىق كورمەسىنىڭ حالىقارالىق پاۆيولوندارىندا اشىلاتىن ورتالىقتار تۋرالى ايتتى, دەپ جازادى قازاقپارات.
ەكسپو تۋريستىك اۋماعىنىڭ سالتاناتتى اشىلۋىندا ءسوز سويلەگەن احمەتجان ەسىموۆ قازىرگى ۋاقىتتا شەتەلدىك مەملەكەتتەر ءوز ەكسپوزيتسيالارىندا دەمونتاجداۋ جۇمىسىن اياقتاپ جاتقانىن اتاپ ءوتتى. ونىڭ ايتۋىنشا, جاڭا جىلدان باستاپ پاۆيلونداردى كۇردەلى جوندەۋ جۇمىستارى باستالادى. س-3, س-4 پاۆيلوندارىندا «استانا» حالىقارالىق قارجى ورتالىعى ورنالاسادى.ل C-1 پاۆيلونىندا ءبىلىم بەرۋ ورتالىعى قۇرىلادى. ۇلتتىق كومپانيانىڭ باسشىسى اتاپ وتكەندەي, وسى ورتالىقتىڭ نەگىزگى يدەياسى - ەرتە جاستان باستاپ بولاشاق مامانداردىڭ مۇمكىندىكتەرى مەن الەۋەتىن انىقتاۋ جانە دامىتۋ بولماق.
«مۇنداي ورتالىقتار قازىردىڭ وزىندە دامىعان ەلدەردە جۇمىس ىستەپ جاتىر. ەرتە جاستاعى ەڭ ماڭىزدى كاسىپتەر انىقتالادى, بۇل قادام بولاشاقتا تابىستى بولۋى مۇمكىن. ورتالىق - ءبىلىم بەرۋدەگى جاھاندىق ءۇردىس, ءومىردى قاناعاتتاندىرۋعا باعىتتالعان. بۇل ءبىزدىڭ وڭىردەگى وسىنداي العاشقى ورتالىق بولادى. قازىرگى ۋاقىتتا ونىڭ تۇجىرىمداماسى نازارباەۆ ۋنيۆەرسيتەتىمەن بىرلەسىپ ازىرلەنۋدە », - دەدى ول. سونىمەن قاتار, C-2 پاۆيلونىندا كورمە كەشەنى ورنالاسادى. ول ءتۇرلى كورمەلەرگە, حالىقارالىق جانە وتاندىق ەكسپوزيتسيالارعا ارنالعان الاڭ بولادى.
«وڭىرلەر مەن مەملەكەتتەر وزدەرىنىڭ جەتىستىكتەرىن كورسەتىپ, تاجىريبەلەرىمەن ۇنەمى بولىسە الماق. قازىر ديزاينەرلىك تاپسىرمانى ازىرلەۋ جۇمىستارى جۇرگىزىلۋدە. بۇل جۇمىسقا «اتامەكەن» ۇلتتىق كاسىپكەرلەر پالاتاسى تارتىلىپ وتىر», - دەيدى ول.
سونىمەن قاتار كورپوراتيۆتىك پاۆيلوننىڭ نەگىزىندە IT-ستارتاپتاردىڭ حالىقارالىق تەحنوپاركى قۇرىلادى. ول باعىتتاعى جۇمىس قر اقپارات جانە كوممۋنيكاتسيالار مينيسترلىگىمەن بىرلەسىپ جۇرگىزىلمەك. «كوممۋنيكاتسيا ورتالىعى جەتەكشى باق-تاردىڭ لوكاتسياسى بولادى. ول الاڭ ەكسپو كورمەسى كەزىندە وتە ىڭعايلى ينفراقۇرىلىمدىق الاڭ رەتىندە ءوزىن كورسەتە ءبىلدى», - دەيدى احمەتجان ەسىموۆ.