بۇل تۋرالى قالالىق ماسليحاتتىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسياسىنىڭ وتىرىسىندا ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ەرعالي ەگەمبەردى ءمالىم ەتتى, دەپ حابارلايدى ەلوردا ينفو مەديا-پورتالى.
ەلورداداعى ءۇش اۋدان مەن بىرقاتار باسقارمالاردىڭ الداعى جىلدارعا ارنالعان بيۋدجەتىمەن تانىستىرعان ول, جاڭا اۋدان قۇرۋعا قاتىستى ايتىپ ءوتتى. ونىڭ سوزىنە سۇيەنسەك, بۇل ماسەلە الدىمىزداعى ەكى-ءۇش ايدا شەشىلۋى ءتيىس. جاڭا اۋدان شەكاراسىنا ءوندىرىس, كيرپيچنىي تۇرعىن الاپتارى كىرمەك. اۋدان اشىلعان كەزدە ونى دامىتۋ باعدارلاماسى جاسالادى. باعدارلاماعا اباتتاندىرۋ, كوگالداندىرۋ ماسەلەلەرى ەنگىزىلەدى.