26 قاراشا كۇنى الماتىدا ءدۇبىرلى جەكپە-جەك كەشى وتپەك. جاڭادان اشىلعان AFC پروموۋشەنى 12 مىڭدىق "الماتى ارەنا" سپورت كەشەنىندە الەمنىڭ «سەن تۇر, مەن اتايىن» دەگەن بىلەكتى جىگىتتەرىنىڭ باسىن قوسپاق.
اFC پرەزيدەنتى ادىلبەك تۇرعىنباەۆ اتالمىش تۋرنير ارالاس جەكپە-جەك سپورتىنا جاڭا سەرپىن الىپ كەلەتىنىن جەتكىزدى. ياعني, اتالمىش تۇجىرىم قازاقستاندا اقىلى ونلاين-كورسەتىلىمدى دامىتپاق. وسىعان دەيىن, اFC پروموۋتەرلىك كومپانياسى تاجىريبە جۇزىندە 2017 جىلدىڭ 1 ساۋىرىندە وتكەن «الاش ايبارى» حالىقارالىق ءتۋرنيرىن تەگىن ونلاين جۇيەسىندە كورسەتكەن ەدى. قورىتىندىسىندا جارىستى 17 مىڭ ادام تىكەلەي ەفيردە تاماشالاعان. وسى ورايدا, ادىلبەك تۇرعىنباەۆ قازاقستاندا PPV-ءتى (اقىلى ونلاين-كورسەتىلىم) دامىتۋ كەرەكتىگىن العا تارتىپ وتىر. ميلليونداعان سومما كەتەتىنىنە قاراماستان اFC پروموۋتەرلىك كومپانياسى رەسەيدىڭ بەلدى تۇجىرىمى Fight Nights-پەن بىرىگىپ, حالىقارالىق تۋرنير وتكىزۋدى قولعا الدى. شىعىندى ەكى پروموۋشەن ءبولىپ الماق. ۇيىمداستىرۋشىلاردىڭ ايتۋىنشا, شىعىننىڭ جارتى باعاسى 46 ميلليون تەڭگەنى قۇراعان. الداعى ۋاقىتتا قالىڭ كورەرمەن وسى جانە وزگە سەگىزبۇرىش باسەكەلەرىن اFC cايتى MMA.VISION.COM ارقىلى تىكەلەي ەفيردە كورە الادى.
26 قاراشادا وتەتىن اۋقىمدى كەشتىڭ باستى جەكپە-جەگىندە قۋات "نايمان" حاميتوۆ يرلانديادىق پيتەر كۋيلليمەن شەبەرلىك بايقاسادى. يرلانديالىق مايتالمان الەمدىك رەيتينگتە ۇزدىك ون سپورتشىنىڭ قاتارىنا كىرەدى. پيتەر UFC جۇلدىزى كونور ماكگرەگوردىڭ سپاررينگ-سەرىكتەسى. «نايمان» لاقاپ اتىنا يە قۋات حاميتوۆ ءوزىنىڭ جارقىن ءارى تابىستى جەكپە-جەكتەرىمەن كوپشىلىككە جاقسى تانىس. سونداي-اق, تۋرنير بارىسىندا QAZAQ 70 گران-ءپريى وتەدى. گران پريگە 70 كەلى سالماقتا مۇرات باقتورازوۆ, مىرزا ەركىنبەك, ولجاس ەسقاراەۆ, التىنبەك باقتىگەلدينوۆ, ارتەم رەزنيكوۆ باستاعان 12 سپورتشى سىنعا تۇسەدى. وسى كەشتە قالىڭ جانكۇيەر Fight Nights نۇسقاسىنىڭ چەمپيونى گەورگي كيچيگين مەن ماگومەد نۋروۆ جانە جالعاس جۇماعۇلوۆ پەن شادج حەك اراسىنداعى جەكپە-جەكتى تاماشالاي الادى.
ارمان وكتيابر,
«ەگەمەن قازاقستان»
الماتى