«رۋحاني جاڭعىرۋ» باعدارلاماسى اياسىنداعى «قازاقستاننىڭ 100 جاڭا ەسىمى» جوباسى جۇما كۇنى شەگىنە جەتىپ, قاراشانىڭ 10 كۇنى ونلاين داۋىس بەرۋ اياقتالادى.
ەسكە سالا كەتسەك, جوباعا داۋىس بەرۋ 100esim.el.kz سايتىندا 18 قازان كۇنى باستالعان بولاتىن. ونلاين داۋىس بەرۋگە 302 كانديدات ۇسىنىلىپ, ۇمىتكەرلەر قىزمەت سالاسى بويىنشا 6 ساناتقا بولىنگەن. ياعني, عىلىم - 45 ادام, سپورت - 42 ادام, قوعام - 86 ادام, مەديتسينا - 46 ادام, مادەنيەت - 37 ادام جانە بيزنەس - 46 ادام. داۋىس بەرۋگە ۇسىنىلعان كانديداتتار ەلدىڭ بارلىق وبلىستارىن قامتىپ وتىر.
وسى رەتتە 6 سالا بويىنشا ەڭ كوپ داۋىس جيناپ, قاتارلاستارىنان وق بويى وزىپ شىققان ۇمىتكەرلەردى تەرىپ كورەلىك. اتاپ ايتقاندا, 2316 داۋىس جيناعان پاروليمپيادا چەمپيونى ءزۇلفيا گابيدۋللينا سپورت سالاسىندا ەڭ كوپ داۋىسقا يە ۇمىتكەر ەكەن. ال تاتيانا كۋچەر 2533 داۋىس جيناپ, عىلىم سالاسىندا كوش باسىنا شىققان. جوباداعى ەڭ كوپ داۋىس جيناعانداردىڭ ءبىرى - مادەنيەت سالاسىنداعى كومپوزيتور, پيانينوشى راحات-بي ابدىساعىن (5035). الايدا بيزنەس سالاسىنداعى كوشباسشىنىڭ داۋىسى ودان دا كوپ. ونداعى شىمكەنتتىك مەتسەنات قايرات مولداسەيىتوۆ 7449 داۋىس جيناپ, جوباعا قاتىسۋشى كاسىپكەرلەردىڭ الدىنا شىققان. اق حالاتتى ابزال جانداردىڭ ىشىندە ءلاززات ايتقوجينا 3669 داۋىس ارقىلى كوش باستاسا, قوعام سالاسىنىڭ ۇزدىگى بەللا گازديەۆا 5162 داۋىس جيناعان.
ايتا كەتسەك, «قازاقستاننىڭ 100 جاڭا ەسىمى» جوباسىن ىسكە اسىرۋ ناتيجەسىندە قازاقستاننىڭ دامۋىنا قوماقتى ۇلەس قوسقان ادامداردىڭ ناقتى تاريحى مىسالىندا قوعامدا تابىستىلىق يدەيالارىن, مەريتوكراتيا, باسەكەلەستىك پرينتسيپتەرىن, ءبىلىم جانە پراگماتيزم كۋلتىن ناسيحاتتاۋ جانە دامىتۋ ارقىلى قوعام ساناسىن رۋحاني جاڭعىرتۋ كوزدەلەدى.