«قازاق حالقىنا مىڭ العىس!». وسى ءسوز جازىلعان ەسكەرتكىش اتىراۋ وبلىسى ماحامبەت اۋدانى بەيبارىس اۋىلىندا بوي كوتەردى. بۇل – قيىن-قىستاۋ كەزەڭدە جاتسىنباي, باۋىرىنا باسقان قازاق حالقىنا دەگەن كارىستەردىڭ لەبىزى.
سەكسەن جىل بۇرىن دەپورتاتسيا كەسىرىنەن قازاقستانعا 96 مىڭنان استام كارىس حالقى كۇشتەپ كوشىرىلگەن ەدى. سونىڭ ىشىندە اتىراۋمەن تاعدىرلارىن تاريح توعىستىرعاندار دا بار. قازىر وڭىردە ءۇش مىڭداي كارىس ۇلتىنىڭ وكىلى تۇرادى. «تحونيل» اتتى ەتنو-مادەني بىرلەستىك قۇرىپ, ۇلتتىق سالت-داستۇرلەرىن ۇمىت قالدىرماي, ايماقتاعى مادەني-كوپشىلىك شارالارعا بەلسەندى قاتىسىپ ءجۇر.
«قيلى زامانداعى قاسىرەتكە 80 جىل تولعانىن ەمەس, كارىستەردىڭ قازاق جەرىندە وسىنشا ۋاقىت باقىتتى, بەرەكەلى ءومىر ءسۇرىپ جاتقانىن مەرەكە رەتىندە اتاپ وتكىمىز كەلدى,- دەيدى بەلگىلى عالىم سەرگەي وگاي. – ال ەسكەرتكىش ءبىزدىڭ قازاق حالقىنا دەگەن شەكسىز ريزاشىلىعىمىزدىڭ بەلگىسى».
وسى اتاۋلى داتاعا وراي مۇنايلى ايماققا وڭتۇستىك كورەيادان ارنايى دەلەگاتسيا كەلدى. وبلىس اكىمى نۇرلان نوعاەۆ وڭتۇستىك كورەيا رەسپۋبليكاسىنىڭ قازاقستانداعى ەلشىسى كيم دە-سيك پەن كونسۋل تە كيون گوندى, قازاقستانداعى كəرىستەر اسسوتسياتسياسىنىڭ پرەزيدەنتى سەرگەي وگايدى قابىلداپ, اتىراۋ وبلىسى مەن وڭتۇستىك كورەيا رەسپۋبليكاسى اراسىندا جاقسى قارىم-قاتىناس قالىپتاسقانىن ايتتى. وتكەن جىلى اراداعى ساۋدا اينالىمى ەكى جارىم ەسەگە ءوسىپ, بيىلعى سەگىز ايدا 381 ملن. اقش دوللارىنان اسقان. قازىر ايماقتا وڭتۇستىك كورەيا كاپيتالىنىڭ قاتىسۋىمەن قۇرىلعان 4 بىرلەسكەن كəسىپورىن جۇمىس ىستەيدى.
باقىتگۇل باباش,
«ەگەمەن قازاقستان».
اتىراۋ.
سۋرەتتى تۇسىرگەن ەرلان التىباەۆ