الماتى تۇرعىنىنىڭ جەكە مالىمەتتەرى جاريا ەتىلىپ, داۋ شىققاننان كەيىن المالى حالىققا قىزمەت كورسەتۋ ورتالىعىنىڭ باسشىسى جۇمىستان قۋىلدى, دەپ xابارلايدى Baq.kz
«26 قازان كۇنى المالى حقكو ءبولىمىنىڭ باسشىسى ءبولىم قىزمەتكەرىمەن بىرگە ەڭبەك كودەكسىنىڭ بابى بويىنشا جۇمىستان شىعارىلدى. ول جەكتەكشى رەتىندە جاۋاپكەرشىلىككە تارتىلدى. قازىر ونىڭ مىندەتىن ورىنباسارى ەرلان تۇلەنوۆ اتقارىپ وتىر», دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى ءباسپاسوز حاتشىسىنىڭ مىندەتىن اتقارۋشى تاتيانا فومينوۆا.
ەستەرىڭىزگە سالا كەتەيىك, حالىققا قىزمەت كورسەتۋ ورتالىعىنىڭ قىزمەتكەرى كونسالتينگ كومپانياسىنىڭ وكىلىنە سەنىمحاتسىز انىقتاما بەرىپ, زاڭدى بۇزعان. «ازاماتتارعا ارنالعان ۇكىمەتتىڭ» ءباسپاسوز قىزمەتى اننا دميتريەۆيچتىڭ جەكە مالىمەتتەرى جاريا ەتىلگەنىن مويىندادى.
«Facebook الەۋمەتتىك جەلىسىندەگى جازباعا قاتىستى ايتارىمىز, راسىمەن پوست اۆتورىنىڭ اتىنا جىلجىمايتىن م ۇلىك جانە مەكەنجاي انىقتاماسى بەرىلگەن. بۇل جاعدايدا حقكو قىزمەتكەرى كونسالتينگ كومپانياسىنىڭ وكىلىنە انىقتامانى سەنىمحاتسىز بەرگەن. ارينە, بۇل ۇلكەن زاڭبۇزۋشىلىق, سوندىقتان بۇعان جول بەرگەن قىزمەتكەر جۇمىستان شىعارىلادى», دەپ جازىلعان مەملەكەتتىك كورپوراتسيا تاراتقان حابارلامادا.
«ازاماتتارعا ارنالعان ۇكىمەت» مەملەكەتتىك كورپوراتسياسى اننا دميتريەۆيچتەن رەسمي تۇردە كەشىرىم سۇراپ, بۇل وقيعانى جاريا ەتكەنى ءۇشىن العىس ايتتى.