چەمپيون سوڭعى تۋردا انىقتالادى

ويتكەنى ەكى كلۋبتىڭ ويىنى ارقاشان تارتىسقا جانە قىزىققا تولى وتەتىن. ال بۇل جولعىسى ءتىپتى ەرەكشە بولاتىن. سەبەبى وسى تۋردا چەمپيوندىق اتاق­­تىڭ تاعدىرى شەشى­لەتىن ەدى. استانادا وت­كەن ويىندا ستانيمير ستوي­لوۆ شا­كىرتتەرى تەڭ تۇسسە, چەم­پيون­دىققا قول جەتكىزەتىن-ءدى. ال «قايرات» كو­مانداسى ءۇشىن تەك جەڭىس قاجەت بولدى.

ەكى كوماندانىڭ تەكە­تىرەسىندەگى العاشقى تايمدا ەسەپ اشىلمادى. ەكىنشى تايمدا قوناقتار نەگىزىنەن قارىمتا شابۋىلعا يەك ار­تىپ, ويىن سوڭىندا دەگەن­دەرىنە جەتتى. 71 مينۋتتا بۇ­­رىشتامادان اسىرىلعان دوپقا ايبول ابىكەن ءبىرىنشى جەتىپ, ەسەپ اشتى. وسىلايشا 21 جاستاعى «قايراتتىڭ» قورعاۋشىسى پرەمەر-ليگا­داعى العاشقى گولىن سوق­تى. 89 مينۋتتا جەرار گوۋ ويىنداعى ەكىنشى گولدى سو­­عىپ, «قايراتقا» جەڭىس سىي­لادى.

چەمپيونات اياقتالماي جاتىپ قولا جۇلدەگە قول جەت­كىزگەن «ورداباسىنىڭ» ۇپايى تۇگەل. ال تۋرنير كەستەسىندە ءتورتىنشى ورىن يەلەنىپ, ەۋروپا ليگاسىنىڭ ىرىكتەۋ كەزەڭىنە جولداما الۋ ءۇشىن قوستانايدىڭ «توبىلى» مەن پاۆلوداردىڭ «ەرتىسى» سوڭعى تۋرعا دەيىن «شايقاسادى». قوستانايدىڭ كومانداسى ءحححىى تۋردا «شاحتەرمەن» تەڭ ءتۇستى. 10 مينۋتتا جاسۇلان مولداقاراەۆ «توبىلدى» العا شىعارعانمەن, 83 مي­نۋتتا ميلان ستويا­نو­ۆيچ پەنالتيدەن ەسەپ­تى تەڭەس­تىرىپ كەتتى. پاۆلودار­دىڭ «ەرتىسى» سوڭعى تۋر ال­دىن­دا كوكشەتاۋعا قوناققا با­رىپ, «وقجەتپەس» كومان­داسىنان 2:1 ەسەبىمەن باسىم ءتۇستى. ويىننىڭ بەسىنشى مينۋتىندا رودريگو گول سوعىپ, قوناقتاردى العا شى­عارسا, 12 مينۋتتا ستا­مەنكوۆيچ ەسەپتى ەسەلەي ءتۇستى. ال 27 مينۋتتا الاڭ يە­لەرىنەن دوسماعامبەتوۆ تابلوداعى كورسەتكىشتى 1:2-گە دەيىن قىسقارتتى. «ەرتىس» پەن «توبىلدىڭ» اراسىن قازىر ءبىر ۇپاي اجىراتىپ تۇر.

ءسويتىپ «ەرتىستەن» جە­ڭىل­گەن «وقجەتپەس» پرەمەر-ليگادان شىعىپ قال­دى. سون­داي-اق «تاراز» كومانداسى دا كەلەسى جىلى ءبىرىنشى ليگادا دوپ تەبەتىن بولادى. 

پرەمەر-ليگانىڭ 32-تۋرىندا مىناداي ناتيجەلەر تىركەلدى: «استانا» – «قاي­رات» – 0:2, ابىكەن, 71 (0:1). جەرار, 89 (0:2). «اقجايىق» – «قايسار» – 0:0. «اتىراۋ» – «تاراز» – 3:2, ءزاينۇتدىنوۆ, 69 (0:1). سيكيميچ, 71 (1:1). حاي­رۋللين, 77 (2:1). ءزاينۇتدىنوۆ, 79 (2:2). ابليتاروۆ, 81 (3:2). «شاحتەر» – «توبىل» – 1:1, مولداقاراەۆ, 10 (0:1). ستويا­نوۆيچ (پەنالتيدەن), 83 (1:1). «وقجەتپەس» – «ە­ر­تىس» – 1:2, رودريگو, 5 (0:1). ستا­مەنكوۆيچ, 12 (0:2). دوس­­ماعامبەتوۆ, 27 (1:2). «اقتوبە» – «ورداباسى» – 2:0, مۋا­رەم, 55 (1:0). شيمكوۆيچ, 76 (2:0).

چەمپيوناتتاعى سوڭعى 33-تۋر ويىندارى 5 قاراشادا وتەدى. وندا «استانا» – «اق­جايىق», «ەرتىس» – «شاحتەر», «قايرات» – «اقتوبە», «ور­داباسى» – «وقجەتپەس», «تا­راز» – «قايسار», «توبىل» – «اتىراۋ» كەزدەسەدى. 

سۇرمەرگەندەر: 1. جە­رار گوۋ («قايرات») – 23; 2. جۋ­نيور كابانانگا («اس­تانا») – 17; 3. پات­ريك تۆۋماسي («استانا») – 13.