ۇلت قامىن ويلاعان باسشى, ەڭ الدىمەن, حالىققا جاقىن بولۋى كەرەك. تۇرعىندار وزدەرىن تولعاندىرعان ماسەلەلەردىڭ شەشىمىن تابۋى تۇرعىسىندا جەرگىلىكتى جەردەگى اكىمنەن كوپ ءۇمىت كۇتەدى.
اكىمدەر مەن قاراپايىم حالىقتىڭ جاقىندىعىنىڭ بىردەن-ءبىر كورسەتكىشى ازاماتتاردىڭ قۇقىقتارىن, بوستاندىقتارى مەن زاڭدى مۇددەلەرiن iسكە اسىرۋ جانە قورعاۋ ماقساتىندا ولاردىڭ وتiنiشتەرiن قاراۋ بولىپ تابىلادى.
ءوتىنىش قاراۋ ارقىلى اكىمدەر حالىقتىق مۇڭ-مۇقتاجىنا, الەۋمەتتىك جاعدايىنا كوز جۇگىرتە الادى.
ەلىمىزدەگى ورتالىق جانە جەرگiلiكتi اتقارۋشى ورگانداردىڭ باسشىلارى مەن ولاردىڭ ورىنباسارلارىنىڭ جەكە تۇلعالاردى جانە زاڭدى تۇلعالاردىڭ وكىلدەرىن قابىلداۋ ءتارتىبى قازاقستان رەسپۋبليكاسى ۇكىمەتىنىڭ 2002 جىلدىڭ 4 قىركۇيەگىندەگى №974 «قازاقستان رەسپۋبليكاسىنىڭ ورتالىق جانە جەرگىلiكتi اتقارۋشى ورگاندارىنىڭ جەكە تۇلعالاردى جانە زاڭدى تۇلعالاردىڭ وكىلدەرىن قابىلداۋىن ۇيىمداستىرۋ تۋرالى» قاۋلىسىمەن بەكىتىلگەن. كورسەتىلگەن قاۋلىعا سايكەس ورتالىق جانە جەرگiلiكتi اتقارۋشى ورگانداردىڭ باسشىلارى مەن ولاردىڭ ورىنباسارلارى جەكە تۇلعالاردى جانە زاڭدى تۇلعالاردىڭ وكىلدەرىن اپتا سايىن قابىلداۋى ءتيىس.
اتالعان قاعيدانى ەلىمىزدەگى اكىمدەر قانشالىقتى ورىنداپ ءجۇر؟
وسى سۇراققا جاۋاپ بەرۋ ماقساتىندا قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى تالداۋ جۇرگىزدى.
تالداۋ ناتيجەسىندە جوعارىدا اتالعان قاۋلىنىڭ تالاپتارىن بارلىق اكىمدەر ساقتاماي جۇرگەندىگى انىقتالدى. ءتىپتى كەيبىر اكىمدەر جەكە تۇلعالاردى جانە زاڭدى تۇلعالاردىڭ وكىلدەرىن ايىنا ءبىر-اق رەت قابىلدايدى ەكەن.
بۇل زاڭ بۇزۋشىلىقتار ءوز كەزەگىندە مەملەكەتتىك مەكەمەنىڭ جۇمىسىنا تەرىس ىقپال ەتىپ وتىر. كەيدە ءوتىنىش يەسى زاڭ شەڭبەرىندە بەرىلگەن جاۋاپقا قاناعاتتانباعاندىقتان, مەكەمەنىڭ ءبىرىنشى باسشىسىنىڭ قابىلداۋىندا بولعىسى كەلەدى. ال باسشىلىق ازاماتتاردى ايىنا ءبىر-اق رەت قابىلدايتىندىقتان, ارىزدانۋشى قايتالاما شاعىم تۇسىرۋگە ءماجبۇر بولادى.
وسى ورايدا قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى تاراپىنان جەرگiلiكتi اتقارۋشى ورگاندار باسشىلارىنىڭ اتىنا ءتيىستى حاتتار جولدانىپ, قابىلداۋ كەستەلەرىن جوعارىدا كورسەتىلگەن قاۋلىنىڭ تالاپتارىنا سايكەس وزگەرتۋ ۇسىنىلدى.
ەلىمىزدەگى جەرگiلiكتi اتقارۋشى ورگانداردىڭ باسشىلارى مەن ولاردىڭ ورىنباسارلارى قابىلداۋ كەستەلەرىن قايتا قاراپ, ولاردىڭ باسىم بولىگى قازىرگى تاڭدا جەكە تۇلعالاردى جانە زاڭدى تۇلعالاردىڭ وكىلدەرىن اپتا سايىن قابىلداي باستادى.
ايتىلعان شارالار حالىقتىڭ كوكەيكەستى ماسەلەلەرىنىڭ وڭ شەشىلۋىنە سەبەپ بولىپ, ولاردىڭ مەملەكەتتىك مەكەمەگە دەگەن سەنىمىن ارتتىراتىنىنا كۇمان جوق.
ءابۋ-ءالي ساتتار, قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى توراعاسىنىڭ ورىنباسارى