ب. ىزمۇحامبەتوۆ ۇكىمەت باسشىسىنا دەپۋتاتتىق ساۋال جولدادى

وسى زاڭعا سايكەس, جەر قويناۋىن پايدالانۋشى جوسپارلانعان قىزمەتتiڭ قورشاعان ورتاعا تيگiزەتiن اسەرiنە باعا بەرە وتىرىپ, بارلىق ەكولوگيالىق جانە سانيتارلىق-ەپيدەميولوگيالىق تالاپتاردى ورىنداۋعا مiندەتتi. الايدا, سوڭعى كەزدەر­دە تەڭىز جاعالاۋىندا مەملەكەت­تىك ورگاندار اپاتتى ۇڭعىمالار­دان مۇنايدىڭ اعۋ فاكتىلەرىن ءجيى تىركەپ وتىر. جەر قويناۋىن پايدالانۋشىلاردىڭ كەلىسىمشارت اۋماقتارىندا وقشاۋلاۋ-جويۋ جانە رەكۋلتيۆاتسيالاۋ جۇمىستارى قاجەتتى كولەمدە جۇرگىزىلمەۋدە. 

قازاقستان رەسپۋبليكاسى ينۆەس­تي­تسيالار جانە دامۋ مينيسترلىگىنىڭ گەو­لوگيا جانە جەر قويناۋىن پايدالا­نۋ كوميتەتى 2010 جىلى كاسپي تەڭىزىنىڭ سۋ باسۋ اۋماعىندا مۇناي جانە گيد­رو­گەو­لوگيالىق ۇڭعىمالارعا جۇرگىزگەن تەكسەرۋ جۇمىستارى بارىسىندا 836 مۇناي ۇڭعىمالارىن انىقتاپ, ونىڭ 89-ى اپاتتى جاعدايدا بولىپ تانىلعان.

بۇگىنگى كۇنى قازاقستان رەسپۋب­لي­كاسىنىڭ ەنەرگەتيكا مينيسترلىگىنىڭ ما­لىمەتى بويىنشا, «قازمۇنايگاز» ۇلتتىق كومپانياسى» اكتسيونەرلىك قوعامى جانە «ەمبامۇنايگاز» اكتسيونەرلىك قوعامىنىڭ كەلىسىمشارتتىق اۋماعىندا 14 مۇناي ۇڭعىماسى عانا تىعىنداۋدى قاجەت ەتەدى. كوتەرىلىپ وتىرعان ماسەلەنىڭ ماڭىز­دىلىعىن ەسكەرە وتىرىپ ءبىز پرەمەر-مينيستر باقىتجان ساعىنتاەۆتان كەلەسى سۇراقتارعا جاۋاپ بەرۋدى سۇرايمىز:

1) اپاتتىق جاعدايداعى ۇڭعىمالاردىڭ سانى دۇرىس پا؟ 2) ەگەر دۇرىس بولسا قالعان ۇڭعىمالار كىمگە تيەسىلى؟ ۇڭعىمالاردىڭ يەسى انىق­تال­عان با, انىقتالماسا قاشان انىق­تا­لادى؟ 3) بۇل ۇڭعىمالاردى كىم, قاشان تى­عىن­دايدى؟ 4) وسى ۇڭعىمالاردىڭ بىرىندە يەسى انىقتالعانعا دەيىن تەڭىزگە مۇناي اعىپ, اپات كەلتىرسە كىم جاۋاپ بەرەدى؟ جوعارىدا اتالعان زاڭدا جەر قوي­ناۋىن قورعاۋ سالاسىنداعى تالاپتاردى بۇزۋ سالدارىنان كەلتiرiلگەن نۇقساننىڭ مول­شەرiن قورشاعان ورتانى قورعاۋ سالا­سىن­داعى ۋاكiلەتتi ورگان قازاقستان رەسپۋب­لي­كاسىنىڭ ەكولوگيالىق زاڭناما­سىنا سايكەس ايقىندايدى دەلىنگەن. سون­دىق­تان اشىق قالدىرىلعان ۇڭعىمالاردى تىعىن­داماعان جەر قويناۋىن پايدالانۋشى تيىسىنشە جازالانۋى ءتيىس دەپ سانايمىز.   

باقتىقوجا ىزمۇحامبەتوۆ, ءماجىلىس دەپۋتاتى