سارىكول اۋدانىندا اۋىل جاستارىنىڭ «اۋىل. جاستار. جاڭعىرۋ» اتتى وبلىستىق فورۋمى ءوتتى. وعان وبلىستىڭ بارلىق شالعايىنان بەلسەندى جاستار, ەڭبەك ارداگەرلەرى, قازاقستاننىڭ ەڭبەك ەرلەرى, «قازاقستاننىڭ 100 جاڭا ەسىمى» جوباسىنىڭ ۇمىتكەرلەرى, وبلىستىڭ قۇرمەتتى ازاماتتارى قاتىستى.
فورۋم اۋىل جاستارىن ومىرلىك بەلسەندىلىككە, ءوزىن رۋحاني جانە كاسىپتىك تۇرعىدان ۇشتاۋعا, ول ءۇشىن ءبىلىمىن كوتەرۋگە, اۋىلدا ءوزىنىڭ بىلىكتىلىگىن جۇزەگە اسىرۋعا باعىتتاۋدى, ەڭ باستىسى جاستاردىڭ تۋعان جەرگە, وتانعا دەگەن پاتريوتتىق سەزىمىن تاربيەلەۋدى ماقسات ەتتى.
فورۋمدا جاستار كاسىپكەرلىك, ۆولونتەرلىق جانە رۋحاني جاڭعىرۋ تاقىرىپتارى بويىنشا سەكتسيالارعا ءبولىنىپ, جۇمىس ىستەدى. وندا وبلىسقا بەلگىلى كاسىپكەرلەر اۋىل جاستارىنا ءوز ءىسىن قالاي اشۋ, قالاي دامىتۋ تۋرالى, رۋحاني جاڭعىرۋ بويىنشا ۋنيۆەرسيتەت وقىتۋشىلارى اڭگىمەلەدى, جاستاردىڭ ساۋالدارىنا جاۋاپ بەردى. فورۋم اياسىندا سارىكول اگروبيزنەس جانە قۇقىق كوللەدجىنىڭ جەتىستىكتەرى, اۋىل شارۋاشىلىعى ونىمدەرى تۋرالى جانە قوستاناي وبلىسىنداعى قازاقستاننىڭ ەڭبەك ەرلەرىنە ارنالعان كورمەلەر ۇيىمداستىرىلدى. سونىمەن قاتار فورۋمدا اۋىل جاستارىنىڭ ۇزدىك وكىلدەرى ماراپاتتالدى, ءان مەن كۇيگە دە ورىن بەرىلدى.
ءنازيرا جارىمبەت
«ەگەمەن قازاقستان»
قوستاناي وبلىسى, سارىكول اۋدانى