ىستانبۇلدا 53-ءشى پرەزيدەنتتىك تۇركيا تۋرى ءوز مارەسىنە جەتتى, دەپ xابارلايدى Baq.kz
10 قازان كۇنى تۇركيانىڭ الانيا قالاسىندا باستالعان ۆەلوجارىستىڭ سوڭعى كەزەڭى ىستانبۇلدا ءوتتى. دوداعا 13 كاسىبي جانە كونتينەنتارالىق كوماندا قاتىسقان. 150 شاقىرىمعا سوزىلعان كەزەڭدە Trek-Segafredo شاباندوزى ەدۆارد تەنس مارەگە ءبىرىنشى كەلدى. مەتتەو پەلۋككي (Bora-Hansgrohe) جارىستى ەكىنشى اياقتاسا, فرانچەسكو گاۆاتستسي (Androni) ۇزدىك ۇشتىكتى تۇيىندەدى.
جالپى كوماندالىق ەسەپتە يتاليالىق "Willer Triestina" (69:24:56) جەڭىسكە جەتسە, "UAE Ream Emirates" ەكىنشى ورىندى يەلەندى. "BORA" كومانداسى ۆەلوكوپكۇندىكتى ءۇشىنشى بولىپ اياقتادى. ال ء"استانا" تورتىنشى ورىن الدى.
مارماريس پەن سەلچۋك قالالارى اراسىنداعى 206 شاقىرىمدىق ءتورتىنشى كەزەڭدە كوك جەيدەنى كيگەن "UAE Ream Emirates" شاباندوزى ديەگو ۋليسسي جالپى ەسەپتە 26:32:15 ۋاقىتىمەن تۇركيا تۋرىن جەڭدى. ودان 12 سەكۋندقا ارتتا قالعان "استانا" شاباندوزى يەسپەر حانسەن ەكىنشى ورىن الدى. "Android" ساپىنداعى فاۋستو ماسنادا جارىستى ءۇشىنشى ورىنمەن اياقتادى.