بۇگىن وڭتۇستىك قازاقستان وبلىسىنىڭ ورتالىعى شىمكەنتتە 675 وتباسى باسپانالى بولدى. ءنۇرسات شاعىن اۋدانىنداعى 35 پاتەرلى قىزمەتتىك ءۇي مەن تۇران شاعىن اۋدانىنداعى بەس قاباتتى 16 ءۇيدىڭ پاتەر كىلتتەرىن وبلىس اكىمى جانسەيىت تۇيمەباەۆ سالتاناتتى تۇردە تابىستادى.
قونىس يەلەرىن قۇتتىقتاعان ايماق باسشىسى حالىقتى باسپانامەن قامتاماسىز ەتۋ ماقساتىندا قالادا سوڭعى جىلدارى تۇرعىن ءۇي سالۋ جۇمىسى قارقىن العانىن ايتتى.
اكىمشىلىك-ىسكەرلىك ورتالىعىندا ورنالاسقان 35 پاتەرلى قىزمەتتىك ءۇيدى باسپانا كەزەگىندە تۇرعان - مادەنيەت سالاسى, اسكەريلەر مەن مەملەكەتتىك جانە بيۋدجەتتىك قىزمەتكەرلەر الدى.
ال, تۇران شاعىن اۋدانىنداعى 640 پاتەرلى كوپقاباتتى تۇرعىن ءۇيدىڭ قۇرىلىسى «نۇرلى جەر» باعدارلاماسى اياسىندا «بايتەرەك دەۆەلوپمەنت» اق-نىڭ ەسەبىنەن سالىنعان. مۇنداعى 339 پاتەر جەرگىلىكتى اتقارۋشى ورگانداردا باسپانا كەزەگىندە تۇرعاندار اراسىندا ءبولىندى.
وڭتۇستىك قازاقستاندا 2017 جىلى 263 ءۇيدىڭ قۇرىلىس جۇرگىزىلىپ, جىل سوڭىنا دەيىن 116 ءۇيدىڭ قۇرىلىسى اياقتالادى. وسىنىڭ ناتيجەسىندە جىل سوڭىندا 6000 وتباسى باسپانالى بولادى.