قىرعىز رەسپۋبليكاسى پرەمەر-ءمينيسترىنىڭ ورىنباسارى تەمىر جۇماقادىروۆ تالاس وبلىسىندا بولعان جول اپاتىندا قازا بولدى. بۇل تۋرالى قازاقپارات حابارلادى.
بۇل جايلى قىرعىزستاندى الەۋمەتتىك-ەكونوميكالىق دامىتۋعا, ەلدىڭ رۋحاني جانە ينتەللەكتۋالدىق الەۋەتىن ارتتىرۋعا قوسقان ەلەۋلى ۇلەسى ءۇشىن مەملەكەتتىك سىيلىقتاردى تاپسىرۋ كەزىندە قىرعىزستان پرەزيدەنتى المازبەك اتامباەۆ مالىمدەدى.
ونىمەن بىرگە كومەكشىسى نۇرلان جامگىرچيەۆ پەن جۇرگىزۋشى دە اجال قۇشتى. قايعىلى وقيعا بىشكەك-قارا بالتا اۆتوجولىنىڭ 36 شاقىرىمىندا, سادوۆوە اۋىلىنىڭ ماڭايىندا بولعان. ۆيتسە-پرەمەر مىنگەن جول تالعامايتىن كولىك تىركەمەسى بار كاماز-بەن سوقتىعىسقان, جۇك كولىگىنىڭ جۇرگىزۋشىسى اۋرۋحاناعا جەتكىزىلگەن.