بۇگىن وڭتۇستىك قازاقستان وبلىسىنا جۇمىس ساپارى اياسىندا قر پرەمەر-ءمينيسترى باقىتجان ساعىنتاەۆ «اتامەكەن» كاسىپكەرلەر پالاتاسىنىڭ وڭىرلىك كەڭەسىنىڭ مۇشەلەرىمەن كەزدەسۋ وتكىزدى, وندا وڭىردە شاعىن جانە ورتا بيزنەستى دامىتۋ ماسەلەلەرى قارالدى. بۇل تۋرالى primeminister.kz حابارلادى.
كەڭەس بارىسىندا قاتىسۋشىلار مەملەكەتتىك ساتىپ الۋلارداعى جەرگىلىكتى قامتۋ ۇلەسىن ارتتىرۋ, شىمكەنت قالاسىندا حالىقارالىق اۋەجايدىڭ جاڭا جولاۋشىلار تەرمينالىن جاڭعىرتۋ جانە سالۋ, سۋمەن قامتۋ جۇيەسىن قالپىنا كەلتىرۋ, وسىمدىك شارۋاشىلىعىن سۋبسيديالاۋ, وتاندىق تاۋارلاردى ەكسپورتتاۋ كەزىندە كەزدەسەتىن كەدەرگىلەردى الىپ تاستاۋ, اوك-ءنى جەڭىلدىكتى نەسيەلەندىرۋ, وبلىستىڭ ەكونوميكا سالالارىن تسيفرلاندىرۋعا قاتىسۋى, جاڭا ەكسپورت ساياساتىن ازىرلەۋ ماسەلەلەرىن تالقىلادى.
بۇل تاقىرىپتا «اتامەكەن» ۇكپ باسقارما توراعاسى ابىلاي مىرزاحمەتوۆ, «Karlskrona LC AB» جشس باس ديرەكتورى ءۋاليحان احمەتوۆ, «SCAT» اق پرەزيدەنتى ۆلاديمير دەنيسوۆ, «قاينار ماي» جشس پرەزيدەنتى حالي سارمانوۆ, «ۆيزيت» اسسز جشس باس ديرەكتورى ۆەلكيم زلاۆدينوۆ, كاسىپكەرلەر پالاتاسى وڭىرلىك كەڭەسىنىڭ توراعاسى قاينار اباسوۆ, «ستەكلو ي ك» ات-توبىنىڭ جەتەكشىسى يۋلداشەۆ حوندامير ءسوز سويلەدى.
ايتىلعان ماسەلەلەرگە قاتىستى ۇلتتىق ەكونوميكا ءمينيسترى ت. سۇلەيمەنوۆ, ينۆەستيتسيالار جانە دامۋ ۆيتسە-ءمينيسترى ر. سكليار, اۋىل شارۋاشىلىعىنىڭ ءبىرىنشى ۆيتسە-ءمينيسترى ق. ايتۋعانوۆ, وبلىس اكىمى ج.تۇيمەباەۆ تۇسىنىكتەمە بەردى.
كەزدەسۋدى قورىتىندىلاي كەلە, باقىتجان ساعىنتاەۆ مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنا سايكەس كاسىپكەرلىكتى دامىتۋ ەلىمىزدە ەكونوميكالىق ءوسىمنىڭ جاڭا ۇلگىسىن قالىپتاستىرۋ كەزىندەگى باستى باعىتتاردىڭ ءبىرى بولىپ تابىلاتىنىن اتاپ ءوتتى.
وسىعان بايلانىستى قر ۇكىمەتى «اتامەكەن» ۇكپ-مەن تىعىز ىنتىماقتاستىقتا وتاندىق بيزنەستى قولداۋ شارالارىن كەڭەيتۋ بويىنشا كەشەندى جۇمىس جۇرگىزۋدە.
وعان قوسا, بيزنەس قاۋىمداستىقتىڭ الدىندا ەكونوميكا سالالارىن تسيفرلاندىرۋعا قاتىسۋ جانە ءوز ونىمدىلىگى مەن شىعاراتىن ءونىم ساپاسىن ارتتىرۋ بويىنشا ۇلكەن پەرسپەكتيۆالار اشىلادى.
وبلىستاعى شاعىن جانە ورتا كاسىپكەرلىكتىڭ جۇمىس ىستەپ تۇرعان سۋبەكتىلەرىنىڭ سانى اعىمداعى جىلى 176,6 مىڭ بىرلىكتى قۇرادى نەمەسە 2016 جىلدىڭ وسى كەزەڭىنەن 5% ارتىق. بۇگىندە وڭىردە كاسىپكەرلىكتى قولداۋ بويىنشا «بيزنەستىڭ جول كارتاسى-2020», سونداي-اق ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ مەملەكەتتىك باعدارلامالارىن ىسكە اسىرۋ باستى ءرول اتقارادى.