ەرىكتى انتيدوپينگتىك اگەنتتىكتەن (VADA) الىنعان بۇكىلالەمدىك بوكس كەڭەسىنىڭ (WBC) اقپاراتىنا سايكەس, گەننادي گولوۆكين مەن ساۋل «كانەلو» الۆارەس 16 قىركۇيەكتەگى ايقاسقا دەيىن جانە ايقاستان كەيىن دوپينگ-سىنامادان ءساتتى ءوتتى, دەپ حابارلايدى Sports.kz.
VADA-نىڭ قولداۋىمەن WBC «تازا بوكس» باعدارلاماسىن ەنگىزدى. اتالمىش باعدارلاما بۇكىلالەمدىك بوكس فەدەراتسياسىنىڭ جەڭىمپازدارى مەن چەمپيوندارىن الدىن الا ەسكەرتۋسىز دوپينگكە قارسى سىنامادان وتكىزەدى, ءتىپتى بىلعارى قولعاپ شەبەرلەرىنىڭ جوسپارلانعان جەكپە-جەكتەرى بولماسا دا. الايدا, «كانەلونىڭ» WBC-گە ەش قاتىسى جوق, Golden Boy Promotions كومپانياسى ءوزىنىڭ نەگىزگى وقيعالارىنا دوپينگ-سىناما حاتتامالارىن جاساۋ ءۇشىن VADA-نى ءجيى شاقىرادى.