كەشە اتىراۋدا “قايتا جاڭعىرعان قازاقستان” اتتى اقىندار ايتىسى باستالدى, – دەپ حابارلايدى ءوڭىر باسشىسىنىڭ ءباسپاسوز قىزمەتى. سايىسقا تەك قازاقستاندىق ءسوز شەبەرلەرى ەمەس, قىتاي, موڭعوليا, قىرعىزستان, وزبەكستان مەملەكەتتەرىن كەلگەن 20 ونەرپاز ءتۇسىپ جاتىر.
ايتىس اقىنداردىڭ ونەرىنە ءاسانالى ءاشىموۆ, نەسىپبەك ايت ۇلى, ەسەنعالي راۋشانوۆ, مەرەكە قۇلكەنوۆ, باۋىرجان حاليوللا, التىنبەك قورازباەۆ, سۆەتقالي نۇرجان سىندى ەلگە بەلگىلى قۇرمەتتى ازاماتتار قازىلىق ەتۋدە.
ايتىستى تاماشالاۋعا وبلىس اكىمى نۇرلان نوعاەۆتىڭ ءوزى كەلىپ, اقىندارعا ساتتىلىك تىلەدى.
“بۇل ايتىستى باۋىرلاس ازاماتتاردىڭ اراسىنداعى قارىم-قاتىناستى جانداندىرا تۇسەتىن شارا دەپ ويلايمىز. اتىراۋ جەرىنە قوش كەلدىڭىزدەر!”, – دەدى نۇرلان نوعاەۆ.
ءوڭىر باسشىسى, سونىمەن قاتار, ءتول ونەرگە جاناشىرلىق تانىتىپ جۇرگەن ءجۇرسىن ەرمانعا, جەرگىلىكتى جانە الىستان كەلگەن اقىندار مەن قازىلار القاسىنا ريزاشىلىعىن ءبىلدىرىپ, شارانىڭ ەلباسىنىڭ “رۋحاني جاڭعىرۋ: بولاشاققا باعدار” باعدارلاماسىن جۇزەگە اسىرۋ اياسىندا ءوتىپ جاتقانىن ايتتى.
ايتا كەتەلىك, اقىندار ايتىسىنىڭ قورىتىندىسى بۇگىن, 29 قىركۇيەك كۇنى بەلگىلى بولادى.
سۋرەتتى تۇسىرگەن ەرلان التىباەۆ