ەلەكتروندى ساۋدانىڭ ءورىسى كەڭەيەدى

وسىلايشا تەك حالال تاۋارلارمەن اينالىساتىن الەمدەگى تۇڭعىش ينتەرنەت-دۇكەن ورتالىق ازيانىڭ شاعىن جانە ورتا بيزنەسپەن اينالىساتىن كاسىپكەرلەرى الەمدىك نارىققا شىعۋى ءۇشىن حالىقارالىق ەلەكتروندى پلاتفورماسىن ۇسىنىپ وتىر. ۇلكەن قارقىنمەن  دامىپ كەلە جاتقان نارىقتاردىڭ بىرىندە قىزمەت جۇرگىزىپ وتىرعان Aladdin كەڭسەلەرىنىڭ جەلىسى 4 ميللياردقا جۋىق تۇتىنۋشىسى بار 30 ەلدە ورنالاسقان. وسىنىڭ ار­قا­سىندا پلاتفورما ساتۋشىلارعا جەرگىلىكتى قولداۋ كورسەتىپ, قاۋىپ­سىز­دىگىن قامتاماسىز ەتىپ وتىر. بۇل كومپانيانىڭ ماقساتى دا, مىندەتى دە – حالال ستاندارتىنا سايكەس وندىرىلگەن جوعارى ساپالى ونىمدەردى ۇسىناتىن الەمدەگى ەڭ ءىرى ەلەكتروندى  نارىققا اينالۋ جانە دە تاياۋ بولاشاقتا ەڭ كىرىستى ون ەلەكتروندى پلافتورمانىڭ قاتارىنا ەنۋ. ال Aladdin Street Central Asia - Aladdin Group جانە «Nurali Group» جشس سىندى ەكى كومپانيانىڭ ماجوريتارلىق قاتىسۋىمەن قۇرىلعان بىرلەسكەن كومپانيا. كومپانيانى تابىستى كاسىپكەر, كومپانيانىڭ ورتاق قۇرىلتايشىسى جانە ديرەكتورلار كەڭەسىنىڭ توراعاسى – داتو بەرىكقازى سەكسەنباەۆ پەن الماز تۇبەكوۆ سىندى تاجىريبەلى مەنەدجەرلەر توبى باسقارادى. Aladdin Street Central Asia كومپانياسىنىڭ توراعاسى جانە قۇرىلتايشىسى داتو سەكسەنباەۆ 659-دەن اسا جانكۇيەرى بار الەمدەگى ەڭ ءىرى ءارى تابىستى فۋتبول كلۋبى سانالاتىن Manchester United FC-مەن ايرىقشا قۇقىق نەگىزىندە جاھاندىق سەرىكتەستىك قۇرعاننىڭ ارقاسىندا, ساتۋشىلار مەن ساتىپ الۋشىلار Aladdinstreet جاھاندىق جەلىسىنەن پايدا تابا الاتىندىعىن ايتادى.

ونىڭ ويىنشا Aladdin Street حالىقارالىق جەلىسى ارقىلى قازاق­ستاننىڭ عانا ەمەس, بۇكىل ءوڭىردىڭ ەكونوميكاسىن دامىتۋعا بولادى.

حالال ستاندارتىنا نەگىزدەل­­گەن حالىقارالىق ەلەكترون­دى پلات­فورمانىڭ قازىرگە باسە­كەلەس­­­تەرى جوق. حا­لال سەرتيفيكاتتاۋ ورتا­لىق­تا­رى­مەن, مەملەكەتتىك مەكەمەلەرمەن, بۇ­كىل الەمدەگى ساۋدا جانە ىسكەرلىك بىر­لەس­تىكتەرمەن, قار­جى ينستيتۋتتارى­مەن ىنتى­ماق­تا­­سۋىمىز ارقاسىندا ساتۋشىلار مەن جەتكىزۋشىلەر نارىققا تىكەلەي شىعىپ, تولاعاي تابىسقا جەتۋگە مۇمكىندىك الىپ وتىر. 

ايناش ەسالي, «ەگەمەن قازاقستان»

الماتى