ۇلتىمىزدىڭ لاتىن ءارىپتاڭبالى جاڭا ءالىپبيىنىڭ جاسالۋى – رۋحاني جاڭعىرۋدىڭ باستى تەمىرقازىعى. ۇلتتىق سانانىڭ كەمەلدەنۋى مەن ءبىلىم كوكجيەگىنىڭ كەڭەيۋى. لاتىن ءالىپبيى ارقىلى الاشتىڭ انا ءتىلىن التى قۇرلىققا تانىتۋعا بەتبۇرىس جاساپ وتىرمىز. ساياسي ماڭىزى بار تاريحي ساتكە كۋا بولۋ باقىتى بۇيىرعان ازامات رەتىندە مەن وسىعان قۋانامىن.
لاتىنعا ورالۋ, ءالىپبيدى جاڭارتۋ – ۇلتتىق ماسەلە. ساياسي-مادەني, لينگۆيستيكالىق, الەۋمەتتىك, ەكونوميكالىق, تاعى باسقا تۇستارى بار لاتىن الىپبيىنە كوشۋ تۋرالى ەلباسىنىڭ شەشىمىن جوعارى باعالايمىز, قولداپ قۋاتتايمىز. بولاشاقتىڭ تۇتقاسى – ۇرپاقتىڭ ماقتانىشىنا اينالار بۇل قادام جاڭا ومىرگە باستار باسپالداق. قازاق ەلىنىڭ ءبىلىم, عىلىم سالاسىنداعى ۇلتتىق ۇستانىمى, ومىرلىك قولتاڭباسى.
ەلباسى نۇرسۇلتان ءابىش ۇلى نازارباەۆتىڭ 2006 جىلى قازاقستان حالقى اسسامبلەياسىنىڭ ءحىى سەسسياسىندا: «لاتىن ءالىپبيىن قارايتىن كەز كەلدى. قالاي بولعاندا دا, لاتىن ءالىپبيى بۇگىندە تەلەكوممۋنيكاتسيالىق سالالاردا باسىمدىققا يە بولىپ وتىر. ماماندار وسى ماسەلەنى زەرتتەپ, ناقتى ۇسىنىستارىن جاساۋى ءتيىس», – دەگەن بولاتىن. وسى تۇجىرىمنان-اق لاتىن الىپبيىنە كوشۋ ماسەلەسى تاۋەلسىزدىك العان ساتتەن بەرى كوكەيكەستى بولعانىن ايقىن اڭعارامىز.
ن.ءا.نازارباەۆ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا وزەكتى تاپسىرمالار بەردى, باعىت ايقىندالدى. قازاق حالقىنىڭ رۋحاني قۇندىلىقتارىن دارىپتەپ ناسيحاتتاۋ, ونى تۇگەندەپ سارالاۋ, زامان تالابىن ەسكەرە وتىرىپ دامىتۋعا ارنالعان كەلەلى ويلاردى بۇگىنگى كۇنى قازاق ەلى بويتۇمار تۇتىنادى.ۇلتىن سۇيگەن ەلباسىنىڭ بۇل ماقالاسى ساناعا سىلكىنىس سىيلاپ, ويعا تاعدىرشەشتى قوزعاۋ سالدى. حالىق لاتىن گرافيكاسىنا نەگىزدەلگەن ۇلتتىق ءالىپبيىمىزدىڭ جاسالۋىن ۇلى جاڭالىق دەپ قابىلدادى. ۇسىنىلعان ءالىپبيدىڭ قىزۋ تالقىعا سالىنۋى دا حالىقتىڭ بولاشاققا بەيجاي قاراي المايتىنىن كورسەتتى. بۇل – سۇيسىنەرلىك ءىس.
جاڭا ءالىپبي – تۇركى تiلدەس حالىقتاردىڭ تاريحي مۇراجايىن ورتاق مادەني مۇراعا اينالدىرا وتىرىپ, كەدەرگىسىز تۋرا جولمەن الەمدiك اقپاراتتىق كەڭiستiككە ەنۋگە مۇمكىندىك بەرەتىن نەگىزگى قۇرال. ۇلتتى, مەملەكەتتى بىرىكتىرەتىن الىپ كۇش.
جاڭا الىپبيگە ءوتۋ – وركەنيەتتىك تاڭداۋ. تۇركى تىلدەس ەلدەردى جاقىنداستىراتىن ماڭىزدى شەشىم. لاتىن گرافيكاسىنا ءوتۋ دەگەنىمىز قازاق ءتىلىن تاڭبالاۋ. لاتىن ءالىپبيى قولدانىسقا ەنسە ءتىل وزگەرىسكە ۇشىرايدى دەگەن جاڭساق پىكىر – اڭعالدىق. ۇلتتىق دامۋدىڭ ۇلاعاتتى ۇلگىسى سانالاتىن بۇل رەفورما سانانى جاڭعىرتۋ عانا ەمەس, بىلىمدىلىككە ۇمتىلۋ. ۇلت تاريحىنداعى ۇلى بەلەستە بىرلىك تانىتىپ, قازاق حالقىنىڭ كەمەڭگەر ۇلت ەكەنىن كورسەتۋ بارىمىزگە اسقاق مارتەبە. بابالار باتاسى دارىعان, اتا اماناتىن ارقالاعان كەلەسى ۇرپاققا قاجىماس, تاۋسىلماس قازىنا سىيلاعانىمىز اعا ۇرپاققا ابىروي. ول قازىنا – لاتىن ءالىپبيى.
بۇل ىستە كۇدىككە بوي الدىرماي, شۋاقتى ۇمىتكە ورىن بەرگەنىمىز ءجون. انا تiلiمiز – بiزدiڭ رۋحاني تۇپقازىعىمىز. تiلiمiزدiڭ حالىقارالىق دەڭگەيدە بيiك مارتەبەگە يە بولۋى – ەلiمiزدiڭ ءوسىپ-وركەندەۋى. لاتىن الiپبيiنە اۋىسا وتىرىپ قازاق ءوز رۋحانياتىنىڭ تiزگiنiن ءوزi ۇستايدى. بۇل باعاسى جوق, تەڭدەسسىز قۇدىرەت. بiر ءالiپبي, بiر تiل. اڭساعان ارمان قول سوزىم جەردە.
كەلىسىم ءتۇبى كەلەلى ءىس ەكەنىن ەسكەرسەك, ۇلتتىق ورتاق مۇددەدە بىرىگۋىمىز شارت. ەلباسى ۇسىنعان بۇل شەشىم ءبىز ءۇشىن تاعدىرلى بەتبۇرىس. قازاق حالقى پرەزيدەنتتىڭ كورەگەندىگىنە ساي بولىپ, ءىس-ارەكەتىن شيراتىپ, ءۇمىت ارتقان جاستار بىلىمپازدىققا ىسكەرلىكپەن ۇمتىلىپ, بۇگىننەن باستاپ لاتىن ءالىپبيىن يگەرۋگە كىرىسۋى ابزال. ەرتەڭگى كۇنى جاڭا ءالىپبي رەسمي قابىلدانعاندا بار قازاق لاتىن ءالىپبيىن قولدانىسقا ەنگىزۋگە ساقاداي ساي بولۋى كەرەك. بۇل جاۋاپكەرشىلىك ءبىز ءۇشىن ازاماتتىق پارىز.
وڭالباي اياشەۆ, وڭتۇستىك قازاقستان مەملەكەتتىك پەداگوگيكالىق ينستيتۋتىنىڭ رەكتورى, پەداگوگيكا عىلىمدارىنىڭ دوكتورى, پروفەسسور