بۇگىنگى تاڭدا 7 233 پاتەرلىك 62 تۇرعىن ءۇي تاپسىرىلىپ, ونىڭ 155 مىڭ شارشى مەترى قايتارىمسىز نەگىزدە اپاتتى جاعدايداعى ۇيلەردىڭ تۇرعىندارىن كوشىرۋ ماقساتىندا كوممۋنالدىق مەنشىككە بەرىلدى, دەپ حابارلايدى ەلوردا اكىمدىگىنىڭ مەديا ورتالىعى.
استانا قالاسىنداعى اپاتتى تۇرعىن ۇيلەردى بۇزۋ جونىندەگى پيلوتتىق جوبا «نۇرلى جەر» تۇرعىن ءۇي قۇرىلىسى باعدارلاماسى شەڭبەرىندە اكىمدىكتىڭ قۇرىلىمدىق بولىمشەلەرىمەن بىرلەسە وتىرىپ, ۋاكىلتتىك ۇيىم- «ەلوردا دامۋ»جشس 2013 جىلدان باستاپ ىسكە اسىرىلىپ كەلەدى.
ء«وزارا ءىس-قيمsل تەتىگى باعدارلامامەن بەلگىلەنگەن جانە ول كەلەسىدە كورسەتىلگەندەي جۇزەگە اسىرىلادى. اكىمدىكپەن بەلگىلەنگەن جەر ۋچاستكەلەرىندە «ەلوردا دامۋ» جشس تۇرعىن ءۇي كەشەندەرىن جوبالاۋدى جانە ولاردىڭ قۇرىلىسىن جۇزەگە اسىرادى. تۇرعىن جانە تۇرعىن ەمەس ورىن-جايلاردىڭ ءبىر بولىگى بۇدان ءارى اپاتتى ۇيلەردىڭ مەنشىك يەلەرىنىڭ اراسىندا ءبولۋ ءۇشىن كوممۋنالدىق مەنشىككە تەگىن تاپسىرىلادى. اكىمدىكتىڭ سايكەس قۇرىلىمدىق بولىمشەلەرى اپاتتى ۇيلەردى بۇزۋدى جانە ولاردان تۇرعىنداردى كوشىلۋدى جۇزەگە اسىرادى. جىلجىمايتىن م ۇلىكتىڭ قالعان بولىگى «ەلوردا دامۋ» جشس بوس نارىقتا ساتىلادى, وسى رەتتە الىنعان قاراجات جاڭا قۇرىلىسقا قايتا ينۆەستيتسيالانادى», دەدى «ەلوردا دامۋ» جشس باس ديرەكتورىنىڭ قارجى جانە كوممەرتسيا جونىندەگى ورىنباسارى تولەپبەرگەن قويشىباەۆ.
پيلوتتىق جوبانىڭ ءبىرىنشى كەزەڭى 2017 جىلدىڭ سوڭىنا دەيىن ەسەپتەلگەن. وسى كەزەڭ ىشىندە 228 اپتتى ءۇيدى بۇزۋدى جانە 3 519 تۇرعىن جانە تۇرعىن ەمەس ورىن-جايلاردىڭ مەنشىك يەلەرىن كوشىرۋدى قاماتاماسىز ەتۋ قاجەت. بۇل ماقساتتا سەرىكتەستىك 566 مىڭ شارشى مەتر تۇرعىن ءۇيدى پايدالانۋعا تاپسىرۋدى جوسپارلاپ وتىر.
«بۇل جوبا ءساتتى تۇردە ىسكە اسىرىلىپ كەلەدى جانە بۇگىنگى كۇنى اۋدانى 544 مىڭ شارشى مەتر نەمەسە 7 233 پاتەر بولاتىن 62 تۇرعىن ءۇي پايدالانۋعا ەنگىزىلدى. ونىڭ ىشىنەن اپاتتى ۇيلەردىڭ مەنشىك يەلەرىن كوشىرۋ ءۇشىن كوممۋنالدىق مەنشىككە 155 مىڭ شارشى مەتر تۇرعىن ءۇي, ياعني 3 074 پاتەر تاپسىرىلدى», - دەدى قويشىباەۆ.
بۇدان بولەك, ونىڭ ايتۋىنشا, بۇزىلاتىن اپاتتى ۇيلەردە ورنالاسقان كوممەرتسيالىق ورىن-جايلاردىڭ مەنشىك يەلەرىنە وتەماقى رەتىندە 45 تۇرعىن ەمەس ورىن-جاي وتەۋسىز تاپسىرىلدى.
سونداي-اق 2017 جىلى «ەلوردا دامۋ» جشس 126 مىڭ شارشى مەتر تۇرعىن ءۇيدى نەمەە 1 605 پاتەردى پايدالانۋعا بەرۋدى جوسپارلاپ وتىر. ونىڭ ىشىنەن 104 مىڭ شارشى مەتر (1 265 پاتەر) پايدالانۋعا ەنگىزىلدى. بۇعان قوسا ونىڭ ىشىنەن جالپى اۋدانى 12,7 مىڭ ش.م. بولاتىن 257 پاتەر كوممۋنالدىق مەنشىككە وتكىزىلدى, ال قالعانى جىلجىمايتىن م ۇلىك نارىقتا ساتىلدى.
ء«بىرىنشى كەزەڭدى اياقتاعاننان كەيىن «ەلوردا دامۋ» جشس پيلوتتىق جوبانى بۇدان ءارى ىسكە اسىرۋدى جالعاستىرادى. ول ءۇشىن تۇرعىن ءۇيدىڭ قۇرىلىسى بويىنشا ازىرلەنگەن جوبالار دا بار», دەدى «ەلوردا دامۋ» جشس باس ديرەكتورىنىڭ قارجى جانە كوممەرتسيا جونىندەگى ورىنباسارى.