باياناۋىلداعى ايتىستىڭ باس جۇلدەسى ماقسات اقانوۆقا بۇيىردى

جىر دوداسىن ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ توراعاسى, «قازاقستاننىڭ ەڭبەك سىڭىرگەن قايراتكەرى» ءجۇرسىن ەرمان جۇرگىزدى.

التى ساعاتقا سوزىلعان الامان ايتىستىڭ ناتيجەسى بويىنشا باس جۇلدە قاراعاندىلىق اقىن ماقسات اقانوۆقا بۇيىرىپ, 1,5 ميلليون تەڭگە تابىستالدى. ءبىرىنشى ورىندى اسپانبەك شۇعاتاەۆ (1 ميلليون تەڭگە), ەكىنشى ورىندى ەركەبۇلان قاينازاروۆ (700 000 تەڭگە)  ەنشىلەسە, ءۇشىنشى ورىندى (500 000 تەڭگە) ديدار قاميەۆ پەن اسەم ەرەجە ءوزارا ءبولىستى. ارنايى جۇلدە (300 000 تەڭگە) ايبەك قاليەۆكە بۇيىردى.

ءسوز سايىسىنا عالىم جايلىباي, ارمان قاني, داۋلەتكەرەي كاپ ۇلى سىندى ءسوز زەرگەرلەرى قازىلىق ەتىپ, باعاسىن بەردى. سونىمەن قاتار, اۋدان باسشىسى ورازگەلدى قايىرگەلدينوۆ ايتىس ونەرىنىڭ اتاسى اتانعان كورنەكتى اقىن ءجۇرسىن ەرمانعا «باياناۋىل اۋدانىنىڭ قۇرمەتتى ازاماتى» توسبەلگىسىن سالتاناتتى تۇردە تابىس ەتتى. ءدال وسىنداي اتاق قازاقستاننىڭ ەڭبەك ەرى, قازاقستاننىڭ حالىق ءارتىسى ءاسانالى اشىموۆكە دە بەرىلدى.

راۋان قايدار,

«ەگەمەن قازاقستان»