قازاق قوعامىن جاڭعىرتۋعا باستاعان ءبىرىنشى, ەكىنشى جاڭعىرۋ ەلىمىزدىڭ ەكونوميكالىق الەۋەتى مەن حالقىمىزدىڭ جاسامپازدىعىن الەمگە پاش ەتتى. ەلباسىنىڭ «بولاشاققا باعدار: رۋحاني جاڭعىرۋ» اتتى ەڭبەگىندە اتاپ كورسەتىلگەندەي ەكونوميكالىق جانە ساياسي رەفورمانى قوعامدى رۋحاني جاڭعىرتۋ ارقىلى عانا باياندى ەتۋگە بولادى. سوندىقتان دا قوعامدىق سانانى وزگەرتۋ – قازاقستاندىق ءۇشىنشى جاڭعىرۋدىڭ قۋاتتى قاينار كوزى بولىپ تابىلادى.
تۇڭعىش پرەزيدەنتىمىزدىڭ كورەگەن ساياساتىنىڭ ارقاسىندا ەلىمىزدەگى اسا زور ومىرلىك ءمانى بار ءتىل ساياساتىنىڭ كۇردەلى دە, نازىك ماسەلەلەرى, ارقاشاندا مەملەكەتتىك تۇرعىدان ۇيلەسىمدى شەشىمىن تاۋىپ كەلەدى. قازاق قوعامىنىڭ سانالىق جاڭعىرۋ كەزەڭىندە قازاق ءتىلىن ىشتەي تۇلەتىپ, جاڭا دەڭگەيگە كوتەرۋ ماقساتىندا, قازاق جازۋىنىڭ لاتىن گرافيكاسىنا نەگىزدەلگەن جاڭا نۇسقاسىن جاساۋ جونىندەگى باستامانى قوعامدىق ورتا, اسىرەسە جاستار قاۋىمى دەر كەزىندە كوتەرىلگەن, ماڭىزدى مەملەكەتتىك دەڭگەيدەگى ماسەلە دەپ قابىلداپ وتىر.
ءسوز جوق, عالامدىق دامۋدىڭ جاڭا داۋىرىندە لاتىن الىپبيىنە كوشۋ ماسەلەسى تاريحي قاجەتتىلىك بولىپ تابىلادى جانە ءتىل ساياساتىندا حالىقارالىق اقپاراتتىق-كوممۋنيكاتسيالىق قۇرالداردى پايدالانۋ بۇكىلالەمدىك ترەندتەر تالابىنا تولىق سايكەس كەلەدى. قازىر دۇنيە جۇزىندەگى اسا وزەكتى اقپاراتتار اعىنىنىڭ 70 پايىزى لاتىن گرافيكاسىمەن بەرىلەدى. الەمدەگى بارلىق IT سالا وزدەرىنىڭ باعدارلامالار بازاسى مەن تەحنيكالىق شەشىمدەرىن لاتىن تاڭباسىندا جاسايدى. ءبىزدىڭ جاستاردىڭ لاتىنشاعا الدەقاشان باۋىر باسىپ العانىن اتاپ ايتقان ءجون, قازىر قازاقستان جاستارى گادجەتتەردى بەلسەندى قولدانادى, ەلىمىزدىڭ باسىم بولىگى لاتىن ءالىپبيىن جاقسى مەڭگەرگەن. دەمەك, قازاق ءتىلىن لاتىن قارپىنە كوشىرۋ بۇگىنگى ءومىردىڭ شىنايى تالابى بولىپ تابىلادى. ول, انا ءتىلىمىزدىڭ الەمدىك وركەنيەت كەڭىستىگىنە ءساتتى قوسىلۋىنا, ونىڭ جاڭا گەوساياسي الەمدەگى قارىم-قاتىناستىق مارتەبەسىنىڭ ارتۋى مەن عىلىمي-تەحنيكالىق پروگرەستىڭ قالىڭ ورتاسىندا بولۋىنا مۇمكىندىك تۋعىزادى.
لاتىن الىپبيىندەگى قازاق جازۋىن قالىپتاستىرۋ – ۇلتتىق سانانى ازات ەتىپ, جاڭعىرتۋعا اسا ۇلكەن قوزعاۋ سالاتىن, قازاقستاندىق بىرەگەيلىك پەن ۇلتتىق بىرلىكتى ودان ءارى نىعايتۋعا ىقپال ەتەتىن ماڭىزدى قادام.
ءبىز لاتىن گرافيكاسىنا نەگىزدەلگەن جاڭا ءالىپبيدىڭ ۇلتىمىزدىڭ عالامدىق باسەكەلەستىكتەگى الەۋەتىن ارتتىرىپ, قازاقستاننىڭ جاڭا تاريحىندا ەلباسى باستامالارىنىڭ الدەنەشە رەت ءوز شەشىمىن تاپقانىنداي تولىق ىسكە اساتىنىنا سەنىمدىمىز.
بۇل – ءمانى زور رەفورما
بۇگىندە قازاقستان داڭعىل جولدىڭ باسىندا, انىعىراق ايتقاندا, بىزدەر وقيعانىڭ ناق ورتاسىندا تۇرمىز. ەكسپو-2017 حالىقارالىق كورمەسى اياقتالدى. يسلام ىنتىماقتاستىعى ۇيىمىنىڭ عىلىم مەن تەحنولوگيا بويىنشا ءسامميتى ءوتتى. مۇنىڭ ءبارى قازاقستاننىڭ الەم الاڭىندا بەدەلى زور ويىنشى ەكەنىن كورسەتتى.
ۇستىمىزدەگى جىلدىڭ باستى وقيعاسى رەتىندە پرەزيدەنتتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى بولدى. مۇندا قوزعالعان ماسەلەلەردىڭ ماڭىزدىلىعىن ءبىر اۋىز سوزبەن جەتكىزۋ قيىن. ءبىر عانا «تۋعان جەر» باعدارلاماسىنىڭ ءوزى كوپ نارسەنى اڭعارتادى. وسىنداي ماڭىزدى ماسەلەلەردىڭ ءبىرى بولىپ قازاق ءتىلىنىڭ لاتىن قارپىنە بىرتىندەپ اۋىسۋ جولى دەر ەدىك. ارينە, بۇگىنگى تاڭدا الەمدە لاتىن ءالىپبيى كەڭىنەن قولدانىلادى. بۇل – ءومىر شىندىعى.
ال ەگەر ءبىز الەۋمەتتىك جەلىلەرگە نازار اۋدارساق, وندا جاستاردىڭ قازاق ءتىلىن جەتكىزۋ ءۇشىن الدەقاشان لاتىن ارىپتەرىن پايدالاناتىنىن كورەمىز. سونىمەن قاتار ەلباسى اتاپ وتكەندەي, لاتىن گرافيكاسىنا اۋىسۋ كيريلليتسادان تۇپكىلىكتى ارىلۋ بولىپ تابىلمايدى. ول تەك قازاق تىلىنە عانا قاتىستى بولماق.
بۇل ءمانى زور رەفورما ەلدىڭ قاۋىپسىزدىگىن ارتتىرىپ, باسەكەلەستىگىن كۇشەيتۋگە, قازاقستانعا الەمدىك اقپاراتتىق كەڭىستىكتەن لايىقتى ورىن الۋعا داڭعىل جول اشادى.
بەللا گازديەۆا, «رودينا» اۋىلدىق وكرۋگىنىڭ اكىمى (اقمولا وبلىسى)