كانادانىڭ تورونتو قالاسىندا مانەرلەپ سىرعاناۋدان ءوتىپ جاتقان Autumn Classic International ءتۋرنيرى مارەسىنە جەتتى. قازاقستاندىق ەليزابەت تۇرسىنباەۆا تۋرنيردە قولا مەدالعا يە بولدى. بۇل تۋرالى ەليزابەتتىڭ اكەسى فەيسبۋك پاراقشاسىنا جازدى.
ەليزابەت قىسقا جانە نەگىزگى باعدارلاما قورىتىندىسى بويىنشا 181 ۇپاي جينادى. التىن جۇلدەنى كانادالىق كەيتلين وسموۋند (217,55) السا, كۇمىستى جاپونيالىق ماي مياحارا (199,02) ەنشىلەدى.
حالىقارالىق تۋرنيرگە الەمنىڭ 12 ەلىنەن 16 فيگۋريست قاتىسىپ, ونەر كورسەتتى. ساراپشىلار اتالعان تۋرنيردە بىرىنشىلىككە ۇمتىلعانداردىڭ ىشىندە التى ۇزدىك سپورتشىنى اتادى. ولاردىڭ ىشىندە قازاقستاندىق ەليزابەت تۇرسىنباەۆا دا بار.
ايا ءومىرتاي,
«ەگەمەن قازاقستان»