بولگاريادا ەۋروپا, لاتىن امەريكا, ازيانىڭ 36 مەملەكەتىنەن 3000-نان استام ونەرپاز جينالعان «نوۆا زاگور - 2017» كورمەسى ءوتتى. 4 - 20 جاس ارالىعىنداعى سۋرەتشىلەر قاتىسقان XIX مەملەكەتتىك جاستار كورمەسىنە پاۆلودار قالاسىنىڭ № 2 بالالار كوركەمسۋرەت مەكتەبىنەن 15 وقۋشىنىڭ جۇمىسى جىبەرىلگەن بولاتىن, دەپ حابارلايدى قالالىق ءبىلىم بەرۋ ءبولىمى.
قازىلار القاسى سايىس قورىتىندىسى بويىنشا 500-دەن استام ەڭ جاقسى جۇمىستاردى انىقتادى, ونىڭ ىشىندە كوركەمسۋرەت مەكتەبىنىڭ ەكى وقۋشىسىنىڭ جۇمىسى بولدى.
- 2017 جىلى قىركۇيەك ايىندا مەكتەپ بولگاريادان ديپلومدار الدى. 8 جاستاعى ايدار ايتيموۆ پەن ەۆا موسكالەتس كورمەنىڭ لاۋرەاتتارى اتاندى. الەمدىك شاراعا ايداردىڭ ء(تۇرلى-ءتۇستى سيا, بالاۋىز ماي ) ارالاس تەحنيكاسى بويىنشا ورىندالعان «بۇعى-قىس», ەۆانىڭ فلوماستەرمەن سالىنعان «تۇنگى كۇزەتشى» سۋرەتتەرى ۇسىنىلدى. وقۋشىلار مۇنداي ايتۋلى كورمەگە العاش رەت قاتىسۋدا. سىنىپ جەتەكشىلەرى جانار شايكەنوۆا مەن ساۋلە پەرنەباەۆانى شاكىرتتەرىنىڭ جەڭىسىمەن قۇتتىقتايمىز, - دەدى ءبىلىم ءبولىمىنىڭ ماماندارى.